Frankie火辣女友Christy遭瘋爆黑材料

MIRROR成員「皮皮」陳瑞輝（Frankie）早前於社交網放閃，大晒新歡Christy為他拍攝的「女友視角」照片，獲粉絲「皮寶寶」大讚，新「皮嫂」更罕有留言多謝粉絲厚愛。轉頭卻爆出Christy竟是「小三體質」，在社交網跟Frankie和AK的私訊曖昧對話截圖曝光，還有她攬着爆肌男自爆見一個愛一個。

昨日驚爆Christy在社交網只限密友分享的私訊對話截圖，她坐正成為新「皮嫂」前，已暗地跟Frankie的隊友江𤒹生（AK）曖昧。對話中，Christy問Frankie：「點解AK會搵我傾偈嘅？」Frankie似有醋意：「你唔好搵我喇，你自己一早都揀咗，你講嘅，佢搵你一定會去，做咩我要對自己咁差啫！」Christy即𠱁他：「佢唔會啦！傾閒偈only，同埋佢有女㗎嘛！」
自爆曾收AK私訊
Christy透露AK私訊問她跳鋼管舞幾年，竟激嬲當時未一齊的Frankie，「皮皮嬲咗我，因為我成日提AK而家AK又係咁Text我，我都唔知係咪皮皮搵佢嚟試我，但係AK應該唔知我同皮皮咩關係。」截圖更見她自爆在Frankie未出現時曾愛另一人，自拍與爆肌男貼身合照坦言：「我見一個愛一個嘅性格咁多年都冇改變。」
昨日MIRROR成員Stanley的女友李炘頤（Alina）和COLLAR的王家晴（Candy）宣傳新劇《無人之境》，李炘頤表示不認識新「皮嫂」，對方高調而被起底，她指是個人選擇。問到曾否被AK約？她斬釘截鐵：「呢個更加冇。」Candy也笑言：「我更加唔會啦！」