化身黑白雙煞谷音樂會 MC孖Jer「擂台」上All In

男團MIRROR成員柳應廷(Jer)跟MC張天賦，將於8月30日舉行《KATCH OUR LIFE Jer柳應廷 x MC張天賦 音樂會》，2人早前拍攝宣傳照，化身黑白雙煞，造型十分突出。
今次有機會合作，Jer表示：「當我知道有這個合作之後好興奮，我同公司講一定要接呢個Job。我自己好期待，因為由造星開始認識MC，佢一直都係一個好唱得嘅唱將，而我亦都係以唱將形象出現，所以都已經幻想到一齊會好有火花。」MC則表示：「當初知道要演出KATCH OUR LIFE音樂會的時候，未知跟邊位歌手合唱，當時諗邊個會係我最期待呢？頭兩甲一定係Jer，因為同佢嘅歌路都有相似嘅地方，佢亦都係一位好出色嘅歌手。」2人均表示會「All In」畢生所學，在音樂「擂台」上較量一下。