方皓玟望脫單 求Bob介紹筍盤

方皓玟前晚出席婚紗展，曾經歷離婚的她坦言熱烈期待第二春降臨，笑言筍盤難求，希望圈中金牌媒人林盛斌盡快兌現承諾介紹筍盤。對於早前與冼靖峰傳出姊弟戀，她坦言連阿媽都信，被影響了市場，接受冼靖峰真誠道歉，指二人只食過一餐飯未算好熟，不介意繼續約他。

早前與冼靖峰傳緋聞，44歲的方皓玟笑指是「逆線波」讚她與年齡細的人一起沒違和感，她亦接受冼靖峰真誠道歉，坦言緋聞影響了她的市場，「希望阿Bob盡快兌現承諾介紹筍盤畀我。」她又指擇偶條件要求低，只要不多腳毛，年齡可以後生，最重要思想成熟，若性格有趣能逗她開心就更好。問到冼靖峰是否合適？她說跟對方只食過一餐飯，未去到好熟，「所以未知佢係咪成熟。（介意同冼靖峰傳緋聞？）因為咁樣寫會影響我個Market，我媽媽都問，佢都信。」但她坦言會繼續約冼靖峰。
爆5歲兒子貪靚愛噴香水
談到擇偶，方皓玟指不需理會5歲兒子，最緊要自己開心，爆兒子沒空理會她，因他現在有4個女友，早前叫她買了一瓶很貴的香水，「佢好早熟，佢話佢要香，咁先有型有女仔鍾意，佢對外型同自己打扮、香味都有要求，無可厚非，因為我都貪靚，佢可能比我更早入行，連香水都用埋，唔爭在快啲出嚟幫補家計，唔使養得咁辛苦。」