Kelly AL十指緊扣合唱

陳慧琳（Kelly）去年為盧瀚霆（Anson Lo）的個唱擔任嘉賓後再獲邀請，以featuring形式與Anson Lo合唱，歌曲《深閨feat. KELLY CHEN陳慧琳》昨日正式上架，二人早前在錄音時，更唱至十指緊扣，非常投入。

Kelly為這次與Anson Lo正式合唱，錄音前狂Loop他這首《深閨》，練熟旋律才開始錄音，認真專業。而Anson Lo則指每次跟前輩合作都會有壓力，「Kelly又唱得，錄音又快，而新版本不論歌詞Melody都唔一樣，我同Kelly係以Harmony形式對唱，所以我嘅Range要再高啲，係一個挑戰。」
愛與新生代合作
近年愛上與不同新生代歌手合作的Kelly表示，收到Anson邀請合唱時，沒想過是唱慢歌，「我諗住一定係快歌啦！但咁都好，我為咗呢個合唱版，我起碼聽咗100次《深閨》，啲View數有一半係我㗎！」這次令Kelly回想到過去灌錄《誰願放手》那份情深，而去年推出的《我的親人》也有類似感覺。
盼下次合唱快歌
原來Kelly對上一次與男歌手合作錄歌，已是2014年為電影《盜馬記》主題曲《不如今晚》，與梁家輝及鄭伊健合作，Kelly坦言：「因為每個人都有唔同Character，所以每次感受都會有唔同，但上一次配合電影的喜劇劇種，所以演繹上都比較搞鬼，今次合唱版係好有意思，畀我嘅感覺唔同，所以唱法亦唔同。」二人更意猶未盡盼再度合唱，但Kelly不想再唱自己的歌，覺得對方的更新更好玩，Anson Lo隨即提議直接出一首全新快歌。