爆老公囑咐選穿「見肚」衫 連詩雅懷孕升Cup人生高峰

已懷孕7個月的連詩雅，昨日身穿粉紅長裙及兩吋高的粗踭鞋現身美容活動，雖然從正面睇她身體仍然纖瘦，孕肚不太明顯，但上圍明顯升級。連詩雅笑指現在無論體重和上圍也是人生高峰，老公陳家樂沒有很開心，因沒太留意，只知自己整個人變大份，也不敢上磅。她又指懷孕初期食得很狂妄，現時飲食方面會選擇吃高質食品，也會慢行一個鐘當做運動。

提到背影不像孕婦，連詩雅指老公也大為擔心，常囑咐她要穿些更明顯「見肚」的衣服，她說：「我覺得最緊要時髦同有型，佢又問我搭車時可唔可以攞個肚出嚟，我個肚佗得比較低，所以着鬆身衫時唔係好見肚，我去銀行或搭車都畀人懷疑我係咪有咗。」她指預產期在7月中，希望可工作到最後一刻，亦未準備嬰兒用品，幸好有贊助商稱會送奶粉、尿片及大件的物品給她。談到BB性別，連詩雅謂會做多兩次產檢後才公布，又爆老公已禁止她穿斗零踭之餘，每次出門提醒小心及提她記得叫同事扶住。