馮允謙主動搵憶蓮集郵

馮允謙（Jay）與孖生細佬馮重謙（Tim）昨日出席服飾品牌活動。有份參與《港樂50•友弦樂聚》音樂會的Jay，笑言前晚終成功跟林憶蓮合照，當時對方演出完落台後，就輪回到他上台。他說：「我同佢講唱得好好，佢又話返我唱得好，我好開心呀！下次梗係想同佢同台合作啦！」Jay大爆多年前到錄音室錄歌，適逢林憶蓮也在場，初時並不知道對方身份，後來知道是林憶蓮，搞到他好大壓力。他說：「知道佢係林憶蓮後，我入返錄音室唱唔到，佢走咗之後我先錄到。」
Tim則透露早前到土耳其及法國工作兼遊玩，又大讚當地女生好靚，跟香港女生差不多。問到可有拍拖？他笑言不方便透露。在旁的哥哥Jay即笑細佬有很重的偶像包袱。