三房子憶母叮囑勿入林伯公司  「會人整死」

已故麗新集團主席林百欣（林伯）家族近30億元遺產中，三太顧瑞英及女兒林明珠分文不獲，質疑林伯2004年遺囑效力，指林伯罹患腦退化症。三太兒子林偉鈞昨於高等法院憶述「細細個媽咪已經講話『唔好去理daddy 嘅公司，如果你入咗去做，你會畀人整死你』」，因為二房在公司中影響力龐大，林伯由台灣返港後「我成日覺得有啲嘢佢係唔同咗⋯⋯好似有個plot against （計劃對付）我哋第三房」。

三太兒子林偉鈞在遺囑執行人代表資深大律師文本立盤問下，林偉鈞承認任職摩根士丹利見習交易員時，曾為林伯投資2000萬元，最後分文不剩。林偉鈞解釋因為衍生工具中有許多重新包裝，當時自己初出茅廬一知半解，但「我同我啲阿哥嘅虧損來比呢，好大巫見小巫囉」。林偉鈞憶述林伯當時當然不高興，罵得起勁，自己遂回應指「你當啲錢我攞咗囉」，後來1991、1992年左右就此向林伯道歉，自認不負責任，林伯遂拍拍自己肩膊指「learn from your mistakes（從錯誤中學習），我會繼續支持你」。林偉鈞交代由1989年到2003年左右，林伯交託了1個私人股票戶口給自己去買賣股票投資，期間投資了至少1億元，2003年底某日，公司高層何榮添來電替林伯指示結算，自己沽清持有股票後從此再沒有為父投資。
林伯會不定期給錢自己

林偉鈞憶述林伯會不定期送贈金錢給自己，金額由5萬元到20萬元不等，有時一個月內2次，另外曾經有一次告知林伯「我要買間屋，喺昆明嗰度」，林伯遂給了自己300萬元，林偉鈞自言「咁多個仔來講我係最慳家嗰個」。林明珠供詞指林伯習慣提供金錢來展示愛意，惟林偉鈞認為其愛意和金額不成比例。

林偉鈞承認林伯一眾兒子之中，自己是唯一從未進入林伯各附屬公司工作，因「細細個媽咪已經講話『唔好去理daddy 嘅公司，如果你入咗去做，你會畀人整死你，會畀好多蕉皮你去踩』」，因為二房在公司中影響力龐大。林偉鈞又形容自小「係一個Yes Boy，同我家姐好唔同，家姐會同daddy拗，但我唔會。以我性格，入去公司度，會死得好慘。」
林偉鈞：二房在公司影響力龐大

文本立提到匯發上海發展項目，林偉鈞指出「匯發冇阿二（二房）佢哋喺度，好簡單係我daddy 同我媽咪，我daddy係會保護我」。

林偉鈞提到赴台探望林伯時林伯狀態很差，見面不久二太余寶珠隨即到場，怒而驅逐三房家人，「嗰陣時開始不停有人影響我老豆思維，我唔知邊個去做，most likely （最有可能）林建康，因為當時林建康搵機會上位」，林伯自從1999年由台灣獲釋返港後，「我成日覺得有啲嘢佢係唔同咗，慢慢見到好多官司，好似有個plot against（計劃對付）我哋第三房」，其後林伯「搵人攻擊我媽咪家姐，覺得唔係我daddy來」。案件押後至下周四續審。

案件編號：HCAP 4/2011