陳慧琳爆「米八大仔」 唔識chok難入行

陳慧琳（Kelly）前晚（17日）出席時裝品牌期間限定店活動，她早前完成多站巡唱，今年暑假為安排兒子上暑期班，她要求主辦方停一停，亦坦言為開騷要保健康而壓力大，聽到囝囝咳即閃開。

Kelly表示，希望明年4月在香港開個唱，有指香港粉絲不滿廣州巡唱是全新歌單，她表示香港個唱歌單會有驚喜，並說最初只在澳門開騷，沒計劃巡唱，但獲邀才舉辦巡唱。她說：「要停一停，頂唔順……好攰，精神壓力好大。我要keep住唔病，但旁邊人經常病，阿仔咳兩咳我即閃開，邊有咁嘅阿媽……推老竇過去，好慘！」Kelly笑指細仔是肥仔，大仔很瘦高近180厘米，比她還高，但笑指囝囝樣子傻傻，不懂行catwalk又不懂chok，暫沒興趣入行。
Fish恨去康城
同場還有泰國女星「大能」Thanaerng（Kanyawee Songmuang）、劉俊謙與廖子妤(Fish)。「大能」再次來港最掛念美食，想去主題公園和博物館，但行程緊密未必有時間，她離場時更主動走近粉絲簽名和合照，非常親民。至於劉俊謙與廖子妤參演電影《九龍城寨之圍城》入選康城影展「午夜展映單元」，未踏足康城的2人齊聲表示很想去，若工作撞期，劉俊謙表示要先工作，Fish笑言：「即係揀鍾意爸爸定鍾意媽媽多啲，我唔揀……。」