洪嘉豪獲軒公供書教學 修讀一年線上音樂課程

洪嘉豪首個紅館演唱會《Kaho Live 2024》前晚舉行尾場，狀態大勇的他邀得張敬軒擔任嘉賓，更獲軒公送大禮，為他報讀了美國知名音樂學院Berklee College of Music的一年音樂線上課程，Kaho大感驚喜並承諾好好讀書。
軒公表示由細睇到Kaho大，「嗰個放咗學嘅波牛，來搵佢媽咪（軒公前經理人）收工，同我一齊食飯嘅佢，今晚已經係男神一樣。今日仲同我講話自己好驚好震，但一升台佢就已經Prince Charming咁啦！」軒公又謂，「今日我帶咗份禮物嚟，既然你成日話我似你哥哥，做哥哥梗係要供書教學，所以我幫你安排咗個有證書嘅online課程，上堂時間係2024年秋天！亦都唔會耽誤到你幕前工作，因為係跟美國時間，香港凌晨。我一共同你報咗5個課程，上課上到2025年冬天。」
軒公續指自己人生中最大遺憾是沒有好好讀書，而Kaho亦認真向軒公承諾，「我會好好讀書，祝我學業進步！」