炎明熹化身公主 400「Gi炎粉」賀壽

炎明熹（Gigi）即將在九展舉行一連三場演唱會，前日（9日）她踏入19歲也只能在演唱會綵排室慶祝生日，不過寵粉的Gigi已經提早與逾400位「Gi炎粉」（粉絲昵稱）大開動物主題生日派對，當日她以公主造型亮相，同「白馬王子」翹手進場，引全場起哄！
Gigi談到生日正日要和樂隊綵排，希望有個好狀態迎接演唱會。早前Gigi和400多位粉絲一起大搞以動物主題生日派對，她更以公主造型亮相，再配合好朋友陳小姐的白馬王子造型，翹着手一同進場，引全場粉絲興奮起哄。Gigi感謝粉絲支持，「因為每一位粉絲，都喺我每一個唔同階段去認識我，希望大家可以見證住我嘅成長，我會盡力地、唔會辜負大家對我嘅期望，希望大家可以繼續陪住我，為我加油，做我最堅實嘅後援。一人難順百人意，百人難順一人心，但我都會盡力去做，希望大家可以俾多啲意見我！」Gigi更揚言會看粉絲的來信，更會收在月餅罐內。
飲到說話模糊傻笑
此外，Gigi在生日前夕推出新作《還有一艘救生艙》，她在社交網派福利公開MV幕後花絮，片中見她在遊樂場玩滾軸溜冰，因不懂玩而不慎跌倒，其後她穿襪子與MV男主角拖手扮溜冰，當中更有她的決堤式喊戲；另一幕則是Gigi與男主角在街上拿一支酒及多個英文字母的氣球，聽到導演從旁指導表示：「Gigi唔好太醉。」拍攝完畢後，疑似飲醉的Gigi臉紅紅，說話模糊地對鏡頭笑笑口說：「下巴啲粉冇晒啦，你開心啦！」旁邊的工作人員則回應：「飲醉咗冇所謂嘛。」網民大讚飲醉的Gigi表情好可愛。