Lokman開新店冇預隊友 大家各有喜好

MIRROR隊長楊樂文（Lokman）與圈外友人合夥的主題咖啡吧昨日於中環開張，他澄清之前與ERROR成員合資泰國餐廳涉拖數是誤會，而提到MIRROR隊友開食肆相繼結業，並非跟隊友合資的Lokman笑指不是怕他們「搭沉船」。

Lokman受訪時指咖啡店加入了很多喜歡的元素，如波鞋、咖啡及酒等，希望能夠吸引一眾愛好者來這裏打躉，店中有一幅波鞋牆，若客人看中波鞋也可買走，稍後亦會舉辦展覽，還表示今次與友人共投資了7位數，希望盡快回本。
對於之前與ERROR成員合資開的泰國餐廳早前涉拖數，Lokman指已解決很久，並澄清是誤會，只是程序上的問題而並非拖欠。問到他工作那麽忙是否有足夠時間兼顧生意？Lokman說幸運遇到好拍檔，只花了兩個月去計劃。
並非驚隊友「搭沉船」
此外，對於MIRROR多位成員所開的食肆相繼結業，問Lokman今次不與MIRROR兄弟合作，是否怕他們「搭沉船」？Lokman即大笑指並非怕他們拖累，只是大家各有喜好：「等大家慢慢再叻啲之後先再一齊玩得大啲、開心啲。」至於與朋友合作搞生意，會否擔心影響友情？他說：「我哋都有傾過呢個問題，亦都傾得好清楚，大家都講個信字，我都驚㗎，但見到大家咁俾心機，都唔會係一啲負面嘅嘢。（女友幫你睇數？）呢啲自己嘅事。」Lokman指再開店就要慢慢逐步來，問是否因為演唱會賺很多所以投資開餐廳？他即笑說：「唔係呀，我都想賺一筆，如果演唱會賺到，我開幾間！」對於MIRROR將到英國開騷，Lokman到時會遙控店舖；而有指MIRROR美國演唱會滯銷，他則表示只是VISA問題，若解決了，有信心能賣晒飛。