Edan「八月十五」被全城追擊

英皇電影《盜月者》一眾演員張繼聰、白只、MIRROR成員盧瀚霆（Anson Lo）、呂爵安（Edan）、蘇振維前晚合體謝票，預祝票房收入邁向3,000萬元。Edan曾承諾若然票房過4,000萬元，就畀個「八月十五」大家睇，相信旨日可待。
導演袁劍偉率一眾演員Anson Lo、Edan、張繼聰、白只、蘇振維前晚為英皇電影《盜月者》到戲院謝票，有不少Anson Lo與Edan粉絲買飛入場等候見偶像。當2人現身後即引來全場尖叫，相當墟冚。鬼馬的Edan與白只，更合體做出心形手勢外，又跟蘇振維合體派心心，口氹得粉絲好開心。
當晚大會安排問答環節，戲中演「馬文舜」（Edan）「郵局條針」的「童童」蘇振維，今次是他首次參與謝票，獲不少觀眾大讚演技，有觀眾指欣賞過他演出的舞台劇。問他今次參演後，可會對演出電影產生興趣？蘇振維笑言絕對有興趣，希望將來有機會拍。談到演出舞台劇與電影感受，蘇振維坦言兩者不同，參演舞台劇不能睇返自己演出，但拍戲則好像影菲林機，當曬相出來睇返發現曾經影過這張相。
AL謙稱難超越可愛童童
Edan亦大爆白只曾講過舞台劇會順住演出，電影則會跳拍，開拍時要準備好心態。最搞笑是有觀眾問到各演員能否演繹蘇振維戲中的角色，白只笑謂：「我覺得係演員，應該無乜問題！今次睇完童童演出，就要諗下先。」張繼聰笑言也想挑戰，又自問可以扮可愛。Edan直言可能大家已對他們有既定形象，所以表現出來會被人覺得扮的感覺。Anson Lo坦言好難超越童童的演技，但有機會也願意嘗試，不過世上只有一個童童。
謝票場尾聲，一眾演員與在場觀眾大合照，並預祝英皇電影《盜月者》邁向3,000萬元票房，繼續追擊「八月十五」。由於Edan曾承諾票房過4,000萬元就畀「八月十五」大家睇，相信好多粉絲很期待。