絕世好爸陳豪 大爆仔女忙過自己

視帝陳豪、黃庭鋒、孔德賢及「滑冰女神」馬曉晴、香港長跑運動員羅映潮以及「港隊飛人」姚敬琛等今日以星級嘉賓身份到科學園出席由扎根香港近30年的建華集團主辦的「UC建華企業慈善跑」，以運動競技推動健康生活，及為救世軍籌款。
在開幕禮上，一眾嘉賓與建華集團主席凌偉業在台上分享首屆慈善跑的理念，凌偉業亦分享跑步血淚史，他指跑步跟做生意其實相似，都是要克服當中的困難；陳豪則表示以前並不喜歡跑步，但有小朋友後就對跑步改觀，亦會藉着跑步去教導仔女遇到問題時要堅持及咬緊牙關；馬曉晴及羅映潮透露在比賽前會聽歌減壓，姚敬琛則笑言緊張時就會想比賽後要吃甚麼。開幕儀式完結後，陳豪甫落台即被眾參賽者圍着瘋狂自拍，非常受歡迎。
現時忙於在深圳拍攝《企業強人》的陳豪表示前晚才返港，完成工作後又要回劇組繼續拍攝，慶幸現時交通方便，更指老婆、女兒稍後都會去探班，三個仔女一直未去過內地，可以趁機認識祖國。問到昨日為何不和子女一起出活動？陳豪笑言仔女比他更忙，而且若他們在場，自己就會變得很忙，又謂仔女都好有運動細胞，會踢波、打網球、學跆拳道及跳芭蕾舞等：「細路仔好多嘢，不過佢哋唔算多，香港環境係咁，佢哋都問點解星期六、日唔使返學都仲要上堂？冇計，唔係我哋想，我哋已經唔算怪獸家長。（邊個最多？）一樣，行程排到full晒，冇咁重要都cut走，我哋唯一係星期日下晝留畀佢哋放鬆吓。」
過關險被當走私客
提到正拍攝的《企業強人》，陳豪表示自己也在片場設一個咖啡位置提供咖啡，但笑言過關時帶住60包咖啡粉，很怕被誤當走私客：「好彩冇事，過關嗰時都一額汗，但OK啦，起碼𠵱家劇組都好開心，覺得我嘅咖啡係一個好重要嘅精神支柱。」
被譽為TVB運動王的孔德賢中學時參加過跑步比賽，當時訓練了半年，但比賽時跑了10分鐘就因太緊張而導致胃抽筋退賽，笑言忍不住喊爆，後來學到經驗，學會控制好呼吸；黃庭峰則開心能見到同場的港隊運動員：「都要認定（人），下年奧運可能要捉住佢哋傾偈。（公司已經安排咗？）未，希望可以做！」