何超鳳避談愛女婚事 讚阿妹超儀係勇敢太太

何超鳳、張天愛、Amanda S.等前晚出席「香港芭蕾舞團籌款晚會」，星島新聞集團主席蔡加讚與太太汪圓圓、媽媽蔡李惠莉及家姐蔡加敏、蔡加怡齊亮相。以露背晚裝現身的何超鳳指今次主題取自《天鵝湖》，對於妹妹何超儀老公陳子聰身體出問題，何超鳳表示都有關心兩人，更大讚何超儀是一個很勇敢和很好的太太，長大了、比以前更懂事。
何超鳳以性感露背晚裝現身晚會，她笑言買裙時只看前面沒看背面。講到女兒何鍶珩在2021年曾公開與富二代男友Greg婚訊，何超鳳避談女兒婚事，她說：「呢個𠵱家唔係佢人生緊要嘅嘢，佢𠵱家喺新事業上拼搏緊，我都好開心。（係咪已經求咗婚？）我諗大家唔好再去Focus喺呢樣嘢，感情事係應該順其自然。」對於妹妹何超儀老公陳子聰身體出問題，何超鳳表示都有關心兩人，更大讚妹妹是很勇敢和很好的太太：「佢有咩需要幫手，我哋都會盡全力去幫忙，但佢真係大個咗好多、懂事咗好多。」何超鳳又指超儀早前能接受鄭裕玲的訪問是好事，因為一個人承受是很困難：「我戥佢開心係，佢講咗大家都咁支持佢，對佢嚟講係好大嘅動力，可以繼續照顧子聰。」她又謂現時有時間都會去探望兩人，但因子聰現時身體虛弱，為了不想影響他，所以需要很小心，避免他受細菌感染。
自認天蠍座好難追
久未露面的張天愛剛從北京返港，在香港逗留3、4日便會返回內地，下星期則會出席一個婦女團體的頒獎禮，她透露爸爸張有興去世後，自己便擔任香港公民協會常務委員會副主席一職，現時亦致力推動綠色環保理念。此外，張天愛指在晚會前去了探望兩個孫兒，笑指孫兒都想跟她一起來，但因流感關係，女兒邢嘉倩怕孫兒生病，甚少讓他們外出。被問現時是否仍然單身？張天愛說：「係呀，唔好搞咁多嘢，試咗好多次都未得，所以我覺得我同我嘅事業、慈善同爸爸基金結婚，咁樣會有向前嘅感覺，𠵱家又冇時間，唔好累人。天蠍座嘅人好難追，太爆燈，搵一個人陪我哋係好難，所以唔好害咗佢哋。」又指現時只想着找人去捐款幫助更多有需要的人，感情方面就不恨也不去想。