香香撇甩囝囝回港 自爆夜晚驚驚哋

（星島日報報道）久未露面的岑麗香昨日在香港出席活動，今次香香首度拋低囝囝獨自回港，坦言不捨、心情複雜，夜晚一個人更驚驚哋，笑言湊兩個囝囝需要好大精力，暫沒計畫再追囡囡，但萬一發生將會好大挑戰。
香香表示剛放假一個月與家人回加拿大探親，今次專誠返港工作，翌日就要返加拿大，並透露今次是拋下囝囝、獨自返港，雖然難得有久違的Me Time，但又好掛住囝囝：「好唔捨得，心情好複雜，但有爺爺嫲嫲、公公婆婆，所以我都放心，小朋友都開心，因為多人錫。」香香笑言已很久沒試過一個人在家，前晚都有點驚，「好享受有Me Time，但冇人需要我嘅感覺又有啲唔舒服，不過都係好事，掛一掛住，見到就會開心啲！」
香香透露有跟囝囝視訊，但囝囝卻表示要看很掛住的玩具，她指囝囝也Sweet，在她上機前送上護身符。問到大仔Jacob及細仔「小腰果」誰較Sweet？她笑言：「唔可以揀一個，我覺得呢啲歲數陪住佢好重要，等佢哋第時大個有呢啲回憶。（有打算生女？）暫冇呢個Plan，不過順其自然，兩個男仔要用好多精力，萬一有呢件事發生，真係好挑戰自己！」至於已兩年沒拍劇，香香表示要看公司決定，自己在家亦有拍片練習，還表示已準備好。
同場的岑珈其指兩歲半兒子臻臻有無限電力，陪他玩會好攰，幸好有太太陪兒子，他放假就搞親子活動，下星期生日會與家人過，自18、19歲開始每年生日都跟媽媽過，亦會向兒子灌輸這份孝心。
岑珈其恨《膠戰》添食
談到首次見香香，珈其笑指兩人都姓岑、好親切，昨日更發現大家同是廣州家鄉，坦言想邀香香上《膠戰》，更指6膠也想節目添食：「希望公司開綠燈，我哋都想每一集都可邀請唔同嘉賓上節目一齊玩，最緊要得到大家支持，有信心可以開S4。」