亨利拆局│練馬師王吼蔡約翰

今屆冠軍練馬師幾可篤定是蔡約翰囊中物，不過佢近期未有放軟手腳，最近四個賽日更兩度封王，除了五月廿一日獲兩冠一亞，上周日勁奪兩贏四位高分封王，總之每逢跑沙田都連場攻勢。

今日賽事回歸沙田，蔡廄又再強兵列陣，而且逾半數都有爭分能力，唯一缺點是練馬師王勢成一面倒大熱，值博與否留待閣下決定。

第三場「永遠美麗」八戰獲五贏三位，上仗屈居亞軍可歸咎於地淋，今次喜遇馬少場合，十二分應可袋袋平安。第二場「張燈結綵」終於降班，廄侶「紅運大師」讓路跑下周三谷草，前駒應屬今場主角。第四場「水晶酒杯」上仗休息逾三個月復出，有待開氣兼重負頂磅，直路走內疊不利地亦可保Q，熱身後唔敢睇小。

第六場「驕陽明駒」最近試泥閘兜大彎亦有追勢，初出要提防。第七場「速遞奇兵」上仗跑千二能由包尾追至入Q，狀態有起色；「好眼光」同場則表現相對失色，不過勝在忠心也有爭分機會。第九場「魅力一心」上仗初跑千四能入位，已反映路有專長。第十場「志勝時機」上仗贏馬段速靚得驚人，有權再勝。

目標：蔡約翰

賠率：1.8

立即下載 | 全新《星島頭條》APP : https://bit.ly/3yLrgYZ