Jeremy：音樂會係一個bonus

（星島日報報道）MIRROR成員李駿傑（Jeremy）昨日出席將於8月30日舉行《網上行夢想系MOOV LIVE JEREMY》的記者會，約百名「Unicorn」（粉絲暱稱）拿着應援物品到現場。對於首次開個人騷，Jeremy指雖然等了很久，但心情卻有點驚：「之前做咁多次演唱會都同11個兄弟一齊做，佢哋做緊嗰時我有得唞，而家我要唱晒成個Rundown都要練吓，而家跑步練氣，因有好多part跳唱。」問到會否找兄弟做嘉賓？他指暫未決定，亦沒人自薦。至於騷肌，他笑言現時零腹肌，所以已放棄該部位，到時可能騷手臂。
放棄騷腹肌
Jeremy又謂昨晨《12怪盜》煞科，現時除了拍MIRROR的綜藝節目，其餘時間專心準備音樂會。被問是否因為有這個騷，所以公司先至唔安排開個人演唱會？Jeremy表示：「唔知，當我知道有騷，我已好開心，有冇都好，我都未覺得自己今年要有嘅，始終其他兄弟都solo咗兩、三年，佢哋多我好多經驗，今日有自己音樂會真係一個bonus。」Jeremy直言不怕等，最緊要堅持，堅持就要等。