陳瀅爆周嘉洛追女選擇多

（星島日報報道）陳瀅、周嘉洛因合作新劇《痞子殿下》傳出緋聞，昨日有報道爆嘉洛出席完活動即到訪陳瀅香閨。陳瀅昨在活動否認嘉洛鬼祟潛入她的家，強調光明正大，解釋最近王灝兒（JW）和朱敏瀚都一齊到她的家拍片宣傳新劇，這兩晚都有來，一齊睇《痞》劇，每次都是四人。至於是否跟嘉洛拍拖？陳瀅就否認戀情，她指兩人的親密行為只會在劇中發生。問到會否擔心嚇怕追求者，陳瀅說：「唔緊要啦，都走晒，冇乜所謂。」她指現時沒時間與男性單獨見面或相處，對上一次也只跟導演吃飯。提到不如叫嘉洛追她，她即說：「點解要佢追我？佢有其他女仔啦，佢咁多選擇，我未必係佢杯茶。（落閘唔畀機會佢？）有啲嘢講清楚好啲。」陳瀅又指四人是很好朋友，不會為此事而避忌，更指現正為朱敏瀚尋女友。
周嘉洛昨以短訊回覆本報：「其實我哋每次去陳瀅屋企一定唔會單獨，我哋四個都經常見面，特別最近播緊《痞子殿下》有宣傳活動。我光明正大，我哋四個都同保安一樣熟，哈哈！唔需要避忌嘅。」