軒仔率過千粉絲為阿Mo集氣

（星島日報報道）張敬軒昨日在旺角舉行《THE BRIGHTEST DARKNESS》簽唱會，吸引過千粉絲逼爆商場四層樓。軒仔透露年底將在會展舉行演唱會：「因為中間仲隔咗個新城頒獎典禮，𠵱家睇緊係咪要共用舞台。」

一向關心MIRROR演唱會事故的軒仔，更叫現場所有人一起為仍在病上的阿Mo（李啟言）打氣，還表示一直有了解阿Mo情況：「今日新聞大家都睇到，佢有啲進展，雖然比較緩慢啲，但都係向好嘅。我哋𠵱家可以做嘅，都係為佢打氣，等佢好好地去面對治療。（是否有跟阿Mo傾談？）未，都唔想打擾佢，但有中間人一直更新他的情況。」

至於阿Mo爸爸李盛林牧師，昨早發出第四封代禱信，指兒子經過三星期治療，傷勢有很輕微的進展，期望兒子頸椎神經得到重造和康復。阿Mo女友蘇芷晴（So Ching）昨日凌晨亦在社交網上載一段昔日一齊跳舞的片段，表示：「無你陪我，我無動力㗎，快啲好番！」