鮮肉威威哽咽澄清冇黑背景

2022-06-18 00:00
威威早前生日剛舉行粉絲見面會。
威威早前生日剛舉行粉絲見面會。

(星島日報報道)荃灣街市豬肉檔的劉宋威(威威)日前被網民公開一張10年前的舊照,相中見他半裸凸腩,露出全身紋身,即被指當年是黑社會,更有網民表示:「以前劈友,目前劈豬」,引起大批網民熱烈討論。日前,威威在社交網上載了一條長約兩分鐘的短片,片中他開腔否認種種負面傳聞,更全程哽咽,相當委屈。威威表示:「首先我要澄清我只係一個普通屋邨成長嘅人,基層出身,亦唔係大家所講嘅黑社會。點解喺屋邨長大就係黑社會?點解有紋身嘅人就唔係好人?就要被人歧視,點解我嘅事業賣豬肉,就會攞把刀去斬人?之前聽過『人紅是非多』,實會畀人攻擊,依家自己明白呢個道理,感受到係幾大壓力。」
威威眼泛淚光續說:「但冇辦法,把口生喺人哋度,我冇辦法只可以做好自己。希望大家唔好標籤有紋身同喺屋邨長大嘅人就唔係好人。」在片尾他透露已預約紋身師傅為他設計「威威豬」的圖案作紀念,並多謝一直支持、維護及關心他的朋友,一眾粉絲都紛紛留言表示支持。
 

關鍵字

最新回應

相關新聞

熱門文章