小方上男神廚房自嘲「消孽障」

(星島日報報道)由鄭裕玲（Do姐）及王菀之主持的TVB節目《男神廚房》今晚（15日）播出第7集，請來《美女廚房》元祖級主持方力申（小方）、「廢青男神」周嘉洛及「無難事男神」關禮傑應戰，其中小方發現廚房冇水大叫救命，Do姐戲言要懲罰他，因以前《美女廚房》很多美女被他「蝦」，小方搞笑說來「消孽障」！

今集菜式以辣為主題，小方、嘉洛成為「處男廚神」兩大嫌疑人物，雖然小方看似準備十足，但廚藝卻麻麻，他不但挑蝦腸挑到「面目全非」，切辣椒也勁騎呢。期間小方炮製菜式時更發現廚房冇水，即時大叫救命，可惜未獲同情，Do姐更謂：「呢個係懲罰你呀！你以前蝦咁多美女！」小方搞笑說是來「消孽障」，隨即向隔籬廚房的周嘉洛「撲水」，因有段距離搞到小方兩頭不到岸。最後美女試食團的林夏薇及馮盈盈齊指小方的菜式是「鹹辣腥」，盈盈更質問小方多年來水洗唔清的「假奶」事件，相當搞笑。

至於炒意粉的周嘉洛，因喪炒牛肉變鹹牛肉乾，廚房更不時傳出「花火」及黑煙，嚇到美女試食團面容失色，盈盈更大叫「生化武器」、「毒氣襲擊」！相反，關禮傑煮得又talk得，更表示要送紙包蛋糕給Do姐，並笑言：「食一啖好好食，但食得快好惡啃！」Do姐聞言說：「你唔好亂講嘢，你個女喺我手上。」

此外，小方參與慈善環島泳，籌得1500萬為母校重建，並創「最快接力環島游」健力士世界紀錄。