Gin Lee獲粉絲開展覽感動到喊

（星島日報報道）一連四日的Gin Lee《Dreams Come True》十周年展覽現正舉行中，除展出 Gin入行以來的專輯、海報、剪報、相集等等外，粉絲還製作了影片，更暗地聯絡Gin的媽媽，寫了一段感人說話送給她，當Gin於開幕當日到場看到時即忍不住喊，她說：「一入場就有咁大驚喜，估唔到媽媽寫咗一段咁感人嘅說話送俾我，原來呢十年有好多回憶，仲有見到好多唔同髮型、體型嘅自己，哈哈！」

之後Gin又在不同角落逐一打卡留念，她感激表示：「多謝你哋成為我回憶的一部分，希望嚟緊十年我哋一齊創造更多回憶，12月演唱會再見大家，期待到時同大家相聚。」