「登神CP」新戲 AL變主動保護內斂Edan

（星島日報報道）呂爵安（Edan）與盧瀚霆（Anson Lo）這對「登神CP」與影后級的毛舜筠（毛姐）合作新戲《過時過節》，開拍接近一個月，飾演「母子」的Edan和毛姐不時有互動，反而充當Edan好友的Anson Lo低調開工，直到日前煞科日三人才聚頭！

MIRROR成員近年相繼進軍電影界，繼姜濤、柳應廷和毛姐合演英皇電影《阿媽有咗第二個》後，Edan與Anson Lo同樣孖住毛姐演出以親情為主題的新戲《過時過節》。據知情人士透露：「今次這套戲主要講親情，Edan戲入邊名字叫陽，毛舜筠會演佢媽咪，Anson Lo就會演佢的Best friend『雀仔』，兩個兄弟合作開遊戲公司，不過戲入面他們兩個的相處模式就與現實相反，Anson Lo會充當一個比較主動活躍嘅角色，處處出面維護Edan，而Edan就比較內斂。雖然Anson Lo同毛姐今次冇對手戲，但毛姐真係好錫佢哋，一有時間就會探班，俾啲意見佢地！」

「登神CP」再度合體拍攝新戲消息一出，粉絲們大叫期待，新戲拍攝大半個月終於煞科，Anson Lo、Edan和毛姐齊齊現身粉錦公路營盤村拍攝外景，以曲髮加冷帽新造型出場的Anson Lo，與紮辮、露出額頭打扮的Edan，這配搭十分新鮮。當日兩人有多場對手戲，先拍完車上交談戲分，再轉回屋內拍攝，由傍晚時分工作到凌晨時分，期間聽到劇組人員齊齊大呼多謝Anson和Edan，相信是二人齊齊「萬歲」、慰勞劇組。

在休息時間，Edan和Anson Lo爭取時間與導演和工作人員繼續交流，Anson Lo更與前輩毛姐拍照留念，當Edan經過時，Anson還主動拉埋Edan來個三人合照，兼傾到雞啄唔斷，完全冇代溝！拍到凌晨2點多，Anson Lo先收工，留下Edan繼續拍攝到朝早6點，捱了一夜的Edan仍精神奕奕，和劇組人員齊齊開香檳慶祝煞科，之後繼續去開工。