慈雲山文記粉麵茶餐廳11.22光榮結業 屹立毓華里逾20年 馳名煲仔飯／炒粉麵 街坊不捨：間間老字號都收山
2024-10-29 00:00 
慈雲山「名物」文記粉麵茶餐廳宣布結業！屹立在毓華里逾20年的文記粉麵茶餐廳，一向都是慈雲山街坊的「食堂」，其馳名煲仔飯及炒粉麵更是吸引不少食客光顧。不過，近日文記粉麵茶餐廳張貼結業通知，宣布將在11月22日光榮結業。消息一出，隨即引起大量網民及街坊討論，紛紛不捨表示「唔捨得」、「真心好味又抵食，執咗太可惜」。
慈雲山文記粉麵茶餐廳結業 馳名煲仔飯／炒粉麵
近日，位於慈雲山的文記粉麵茶餐廳宣布結業，有市民在Facebook群組「慈雲山資訊交流」分享照片，指發現文記粉麵茶餐廳近日貼出結業通知，表示將於11月22日光榮結業，「衷心感謝街坊多年來的支持，祝大家身體健康，事事順意！」。
文記粉麵茶餐廳屹立在慈雲山毓華里逾20年，當中最為知名的就是煲仔飯及炒粉麵。當中，煲仔飯更被網友形容為「好食又有飯焦的煲仔飯」、「每年冬天必食」；也有網友指出文記食物質素有水準，亦有做外賣生意，表示「完全無諗過」餐廳會結業，感嘆慈雲山又少一間老字號餐廳。
網民及街坊嘆不捨：間間老字號都收山
帖子引起網友及街坊熱議，大量網友表示不捨，「唔捨得，我一個星期去兩、三次，難得啱味道」、「又一間，可惜」、「以前慈雲山好多好嘢食，摺下一間又一間，間間老字號都收山，可惜」、「我一個禮拜都食一兩次，佢啲嘢食都幾好食」、「食咗超過二十年，由一間舖做到擴充埋隔離舖，亦都睇住佢哋三代同堂咁做，啲出品好得，粉麵、炒粉麵飯、茶餐、煲仔飯，甚少失手」。
有網民則留言猜測結業原因，「早十年八年，兩老退休嗰時已經話唔做，跟住唔知係呀仔？呀女？新抱？接手。物價真係太貴，賺得微薄又困身，所以放棄啦」、「文記舖位係自置物業，個老闆賺到錢唔止買咗呢一個舖位，現在他年老就退休」。
圖片及資料來源：Facebook@慈雲山資訊交流、Facebook@香港茶餐廳及美食關注組、Instagram@leicasimon
文：Y
延伸閱讀：老字號榮華茶餐廳突宣布結業 最後營業日至10.29 屹立深水埗逾30年 街坊網民不捨：是光榮結業不是執笠
最新回應