食拉麵要收茶錢？香港拉麵店收$X茶錢食客斥中伏網民：以為去咗中式酒樓

2024-07-16 00:00

香港食拉麵收茶錢？日式拉麵店收$X茶錢點飲品可豁免網民：要收茶芥加一唔講以為去咗中式酒樓

在日本拉麵店食拉麵時，大部分店方都會提供免費冰水，而香港不少日式拉麵店都會沿襲此文化。惟最近有網民惠顧香港一間日式拉麵店時，發現店方會收取食客茶錢，而相關收費於點餐紙的擺放位置更成為詬病，樓主直斥：「唔係個個都睇到，真係中伏」。帖文一出，引來不少網民熱議，有網民笑稱：「要收茶芥加一，唔講以為去咗中式酒樓」。

香港日式拉麵店收茶錢遭斥「花式乞錢」

香港日式拉麵店收茶錢，點飲品可豁免詳情

在日本拉麵店食拉麵時，店方都會提供免費冰水，而香港不少日式拉麵店都會沿襲此文化

最近有網民惠顧香港一間日式拉麵店，發現店方收取食客茶錢外，而店方將收取茶錢字句擺放在點餐紙的位置更成為詬病，樓主直斥：「唔係個個都睇到，真係中伏」

該位網民最近在Facebook群組「全港店舖（開張/執笠）關注組」發文，開宗明言直指「拉麵店都收茶錢」，認為店方是「花式乞錢」。

店方將收取茶錢字句擺放在點餐紙的右上角位置，樓主直斥：「唔係個個都睇到，真係中伏」。

從樓主上載的點餐紙相片中可見，店方在點餐紙右上角註明「每位客人敬收茶錢5元，本店嚴選京都宇治抹茶，如點飲品則可豁免茶錢」

有網民惠顧香港一間日式拉麵店，發現店方會收取食客茶錢之外，而店方將收取茶錢字句擺放在點餐紙的位置更成為詬病。（圖片來源：Facebook@全港店舖消息（開張/執笠）關注組）

香港日式拉麵店收茶錢，點飲品可豁免，網民回應

網民回應：真係好難睇到!好易(中伏)

網民回應：係右上，不過真係未必個個為意！張嘢都好密好亂！

網民回應：寫到明有乜問題？見到唔合理可以起身走人，或者下次唔幫襯咪得囉。

網民回應：這有什麽問題，明碼實價，你可以不消費，你可以選擇離開，又沒人逼你去吃

網民回應：如果$5茶錢會影響生活，提議你地食出前一丁算

網民回應：知唔知抹茶粉都好貴，可以2000$ 幾百克，最平200$ 1000g

網民回應：宇治抹茶$5都抵比啦下話

網民回應：張單右上角寫明咗收5蚊係俾抹茶，嗌野飲會飛返走呢條數～～講真似係彈走2人1食啲打卡乞衣多。。。

網民回應：張單寫咗點飲品豁免茶錢，食拉麵好少唔飲嘢，應該係想杜絕有人自帶飲品，喺其他餐廳見過食客一人一杯外面買嘅珍珠奶茶，嘢食一早食完，珍珠奶茶慢慢飲哂先走，阻住翻枱，有時餐廳set規矩唔係冇原因

網民回應：正宗日本拉麵係食完飲冰水。

網民回應：影衰日本拉麵文化

網民回應：個茶錢真係取巧，唔想飲都唔得

網民回應：要收茶芥加一，唔講以為去咗中式酒樓

網民回應：遲啲收坐位費，頭15分鐘免費，之後1蚊1分鐘

網民回應：有冇收冷氣費食具消毒費?

該位網民最近在Facebook群組「全港店舖（開張/執笠）關注組」發文，開宗明言直指「拉麵店都收茶錢」，除了認為店方是「花式乞錢」，更直斥「唔係個個都睇到，真係中伏」，點擊睇以上圖輯香港食拉麵收茶錢詳情。

網民熱議反應兩極

帖文一出，引來不少網民熱議，當中雖然有網民認同樓主，認為在點餐紙上註明收茶錢的字句不甚明顯，食客未必會留意；但亦有不少網民認為店方做法並無不妥，甚至估計事出有因，「寫到明有乜問題？見到唔合理可以起身走人，或者下次唔幫襯咪得囉。」、「這有什麽問題，明碼實價，你可以不消費，你可以選擇離開，又沒人逼你去吃」、「應該係想杜絕有人自帶飲品，喺其他餐廳見過食客一人一杯外面買嘅珍珠奶茶，嘢食一早食完，珍珠奶茶慢慢飲哂先走，阻住翻枱，有時餐廳set規矩唔係冇原因」、「知唔知抹茶粉都好貴，可以$2000幾百克，最平$200 1000g」及「宇治抹茶$5都抵比啦下話」。

至於持相反意見不贊成收茶錢的網民，則認為這做法不太恰當，「正宗日本拉麵係食完飲冰水。」、「影衰日本拉麵文化」，甚至認為店方有取巧之嫌，「個茶錢真係取巧，唔想飲都唔得」、「要收茶芥加一，唔講以為去咗中式酒樓」，還嘲諷道：「遲啲收坐位費，頭15分鐘免費，之後1蚊1分鐘」、「有冇收冷氣費、食具消毒費? 」。

圖：Facebook@全港店舖消息（開張/執笠）關注組