汽水都有分年份？網民疑忌廉轉新配方 不滿XX年後出產味道變淡如「假汽水」：難飲咗好多
2024-07-09 00:00 
汽水都有分年份？近日天氣炎熱，不少人吃飯時都會配上一罐清涼的汽水，希望藉此消除悶熱的感覺。不過，近日有網民在社交平台發文指出，在餐廳點了一罐忌廉汽水，惟發現味道變淡，直言變得「唔夠味，唔夠香，又唔夠甜」、「點解要迫我飲呢啲假汽水？」，其後更指出這個年份以前的忌廉才是「好年份」？
港人狠批忌廉味道變淡如「假汽水」
近日有網民在Facebook群組「飲食黑店大全 (全港食店質素/價錢/服務關注組)」發文，分享自己最近在餐廳食飯時，點了一杯原味的忌廉汽水。事主用紙飲管喝了一口，發現「超難飲，啲氣又湧出來」。起初，事主以為難喝的原因是用了紙飲管，於是再次去餐廳食飯時便沒有使用紙飲管，但仍然覺得忌廉汽水不好喝，表示「唔夠味，唔夠香，又唔夠甜，明明以前每次飲忌廉，都有一股清甜開心，一飲解放煩悶，想繼續大啖飲嘅感覺」，但是現在已經沒有那種感覺。
其後事主上網翻查資料，發現原來現時的忌廉汽水疑採用「新配方」，以往330毫升的罐裝汽水，每100毫升大概有10.9克至13.3克的糖分；而「新配方」的忌廉汽水，每100毫升只有4.6克的糖分。樓主表示，「所以唔甜，難飲，係好合理」，更預估以後的糖分也會越來越少，味道越來越淡。
樓主總結，自已之所以選擇原味忌廉汽水，而不是無糖忌廉汽水，就是「追求飲高糖飲品的暢快感覺」，直言：「點解要迫我飲呢啲假汽水？」，最後更補充：「23年或以前忌廉先係好年份！」
網民反應兩極：忌廉難飲VS健康著想
不少網民留言表示認同，「真，忌廉難飲咗好多，我同你一樣都以為自己攞錯低糖，無論玻璃樽裝罐裝膠樽裝都一樣變晒味」、「一早已覺忌廉唔好飲，冇飲好耐了」、「有道理！難怪越飲越難怪！所以宜家無飲」、「終於有人講，之前去咗外國幾年，一返嚟香港啲忌廉難飲咗咁多」、「一早發現呢個代糖版本難飲到爆，係好多人話唔係呀」。
有網民指出，香港政府於2015年成立「降低食物中鹽和糖委員會」，因此生產商有機會需要配合降低汽水中的糖含量，令味道有所改變；亦有網民反駁樓主，認為減低糖分是為市民健康著想，「食咁多糖，命都短幾年，人地跟返政府要求都俾你地批鬥」、「有冇諗過係佢想你戒汽水？」、「咁咪好囉叫你哋飲少啲汽水，個人都健康啲啦！」。
來源：Facebook「飲食黑店大全 (全港食店質素/價錢/服務關注組)」、食物安全中心
同場加映：食醉雞都有年齡限制？外賣員送餐要檢查食客身份證明文件 無奈嘲：法例都無你咁嚴
最新回應