點心名店外賣收費被轟「離晒譜」！膠盒逐個計/紙盒不收錢變收$1 心水清網民提醒：而家仲平咗喎

2024-05-14 00:00

管制即棄膠餐具和其他塑膠產品的法例於4月22日正式實施，在食肆購買外賣時，需要額外加購外賣盒和餐具。最近，有網民投訴日前光顧點心名店時，發現外賣盒需逐件收費，又表示上月曾光顧同一餐廳，但當時外賣紙盒未有收費，而今次則需收$1，直斥「離晒譜」，但有心水清網民發現單據上一個細節，提醒事主：「（而家）仲平咗喎！」

點心名店外賣餐具收費被轟「離晒譜」！

港人投訴點心名店外賣餐具收費「離晒譜」

管制即棄膠餐具和其他塑膠產品的法例於4月22日正式實施

在食肆購買外賣時，外賣盒和餐具或需要額外收費

最近，有網民日前發文投訴，本地一間點心名店的外賣收費不合理

事主稱，當日合共買了6個點心，「5個膠盒+1紙盒共收7蚊」

加上外賣紙袋為每個$2，總共要為外賣用品額外支付$9

不滿餐廳的外賣膠盒、外賣紙盒及紙袋需要逐項收費

事主補充，上月曾惠顧同一餐廳，當時的外賣盒收費為每個$2

但當時用作盛載酥皮叉燒包的紙盒未有收費

加上是禁膠餐具政策實施前，故膠袋亦未有收費

而今個月則要「焗買紙抽袋又2蚊」，直斥「離晒譜！」

有網民回應帖文時表示，該點心店向來都是逐個外賣盒收費

有心水清網民更發現外賣盒收費有變，「上個月$2一個盒，今個月$1一個盒，平左啵」

由4月22日起，食肆禁止提供即棄膠餐具，包括飲管及食物容器等，而不同食肆的收費模式都不一樣，最近有港人在Facebook「香港茶餐廳及美食關注組」發文投訴，稱日前在一間連鎖點心名店購買外賣時，餐廳的外賣膠盒、外賣紙盒及紙袋需要逐項收費，據事主上載的單據顯示，外賣膠盒及紙盒為每個$1，而紙袋則是每個$2，全單的外賣用具需額外再付$9。

事主補充，他上月曾惠顧同一餐廳，但當時用作盛載酥皮叉燒包的紙盒未有收費，而當時的外賣盒收費為每個$2，加上是禁膠餐具政策實施前，膠袋未有收費，而今個月「焗買纸抽袋又2蚊」，直斥「離晒譜！」

心水清網民發現單據上1細節提醒：仲平咗喎！

網民留言：咁離譜，一律唔好再幫襯。

網民留言：變相加價，咁貴，我就食唔起

網民留言：環保環保乜盒都要收錢乜嘢都要收錢

網民留言：重點係遲啲你dum（揼）重（仲）要收錢

網民留言：咁都幫襯佢，怪得邊個？

網民留言：下次自己帶定食物盒，咁咪唔駛嘥錢，又環保

網民留言：究竟有幾離譜呢？你俾佢拎支槍指住嚟搶錢架？你有權唔幫襯架嘛

網民留言：收得少了，荃（灣）西有間酒樓一個外賣膠盒收三元。未計膠袋

網民留言

有網民回應帖文時表示，該點心店向來都是逐個外賣盒收費，有眼利網民更留意到外賣盒收費有變，「上個月$2一個盒，今個月$1一個盒，平左啵」；也有網民建議日後買外賣自備食物盒及環保袋，「要適應帶環保袋和盒出街」，或者直接轉堂食，減少浪費之餘又不需要額外付錢。

與此同時，有網民認為禁膠具措施實施後，在食肆買外賣是變相加價，「咁貴，我就食唔起」；部分網民則分享類似經歷，稱外賣盒收$1其實不算貴，「荃（灣）西有間酒樓一個外賣膠盒收三元。未計膠袋」、「我尋日食唔晒d嘢，打包兩個膠盒一個膠袋收我6蚊外賣盒。」，有網民則表示建議如不滿意收費，可以選擇不光顧，「咁都幫襯佢，怪得邊個」、「你有權唔幫襯架嘛」。

來源：香港茶餐廳及美食關注組