內地人氣港式茶餐廳「克茗冰室」反攻港！主打小熊冰奶茶/漏奶華田西多餐廳英文名串法引網民爆笑

2024-04-29 00:00

近年不少內地餐飲攻港，如木屋燒烤、蜜雪冰城、太二酸菜魚等等，最近人氣港式茶記「克茗冰室」亦宣布「反攻港」來港開分店，克茗冰室的設計以香港地鐵為主題，推出腸粉、西多士、滑蛋飯等港式食品，就連香港土生土長的韓國男團GOT7成員王嘉爾都有幫襯過！最近有網民於網上群組分享，發現克茗冰室首間香港分店選址熱門遊客區尖沙咀，惟網民發現餐廳名英文串法甚有喜感，引起熱議。

內地港式茶記「反攻港」選址尖沙咀開設香港分店

點擊睇內地港式茶記攻港：

點擊睇內地港式茶記來港開業

港式茶記深受來港旅客歡迎，甚至內地有不少以港式茶餐廳美食作招徠的餐廳

內地人氣港式茶記——「克茗冰室」近日被網民發現來港開業

克茗冰室自稱源自1978年香港中環，菜式均以港式茶記為主

不少港人質疑這46年從未於香港見過克茗冰室，認為餐廳以「源於香港」吸客光顧

惟有網民解釋第一間餐廳由香港茶餐廳的老師傅到深圳開業，故此可能因此表示源自香港

克茗冰室的裝修設計以港鐵為主題，以紅色藍色作搭配，從餐桌的下的抽屜取出餐具亦有香港茶記風格

餐廳於內地深受歡迎，吸引不少網在小紅書打卡分享

就連香港土生土長的韓國男團GOT7成員王嘉爾，也曾經被網民發現他到餐廳吃飯

餐廳主打菜式都是茶記常見，再加以改變發揮，包括港式味道的小熊冰奶茶

漏奶華田西多士

星爺至愛公仔麵，即是餐蛋麵

黯然銷魂飯，即是叉燒、溏心太陽蛋、菜心飯

爆漿雞蛋仔

菠蘿油

網民分享克茗冰室於香港首間分店設於尖沙咀寶勒巷一間酒店的地舖

有眼利的網民留意到餐廳用上粵語拼音的「Bing Sat」為冰室的英文串法

與其「克茗」的普通話拼音有點格格不入，加上香港鮮有餐廳用上粵拼作英文

成為網民的討論的重點

港式美食深受旅客歡迎，近年內地亦開設了不少港式茶餐廳，其中人氣網紅店「克茗冰室」便是其中之一。餐廳以經典港式茶記菜式而聞名，同時推出小熊冰奶茶及「漏奶華田西多士」等「打卡」料理，前者是將奶茶製成小熊造型的奶茶冰，後者則是於西多士加上脆脆華田粒，內裏加入牛奶，切開後就可以形成「爆漿」效果，吸引不少食客慕名一試。

隨住近年內地餐飲業攻港熱潮，克茗冰室亦加入戰團，有網民發現有尖沙咀寶勒巷一間酒店地下封上圍板，表示克茗冰室快將開業，並加上「大眾點評必吃榜上榜餐廳」作賣點。有眼利網民留意到餐廳用上粵語拼音的「Bing Sat」作為冰室的英文串法，與其「克茗」普通話拼音有點格格不入，加上香港鮮有餐廳用上粵拼作英文，引來網民笑指「我真係唔明」。

網民訝異：估唔到夠膽開落嚟！

點擊睇網民回應克茗冰室反攻港

本土茶餐廳好多都唔住，除非佢做到好平啦

好快執

又必吃？伏味濃！

呢D野邊個有錢有生意就邊個話事嫁啦…市場話事

呢間係深圳好多當地人幫襯，好好生意

係上面就租平可以做到

歡迎有競爭才有進步，固步自封只有死路一條

做唔做到¥7.9 菠蘿包凍奶茶呢個價

越黎越多大陸嘢落黎插旗太誇張

本地茶記，要改進啦！唔係仲難做

Bing Sat 係馬拉文定係乜嘢？想點？

就衝宜家香港茶餐廳嘅質素一陣間生意仲好過香港本地嘅茶餐廳啊

陸續有來，撐撐撐

越來越多，各位睇路

與深圳同價？

最好笑係如果人地黎香港開茶記，野食好食，有多人幫襯，咁香港連最後一根稻草都無了，希望不會啦

見到bing sat 我真係唔明

呢間野係香港茶餐廳老師傅去深圳開既，之後用加盟店方式開晒成個廣東省，宜家反攻家鄉香港啫！

Bing sat果度正

對於內地港式茶記「反攻港」，網民反應兩極，部份網民認為市場有競爭、有比較才有進步，可能是一個提升香港餐飲業服務質素的機會；有網民擔心萬一服務態度及食物質素勝過香港茶記，「咁香港連最後一根稻草都無了」。同時有網民不看好長遠發展，認為就連香港本地餐廳「做唔住」，除非克茗冰室定價能如內地一樣，「做唔做到¥7.9菠蘿包凍奶茶呢個價」，否則以香港的租金較難「以便宜取勝」。

資料來源：香港茶餐廳及美食關注組@Facebook