港人豪花¥2XXX深圳美髮中伏！指定髮型師唔見影 拉直頭髮下場超慘 網民：好彩頭髮冇甩曬

港人北上深圳不但吃喝玩樂外，還可以配眼鏡及睇醫生，惟要慎選，小心中伏！最近有女網民在Facebook群組發文大呻，早前幫老公預訂深圳髮型屋，由於老公的頭髮是自然捲，故註明希望拉直頭髮。惟結果事與願違，老公頭髮非但沒有拉直效果，而且「髮根全部卷到炒晒……頭髮全部爛晒」，更令事主生氣的是：「做嗰個（編按：髮型師）都唔係我預約嗰位 」。不少網民均替樓主不值，出謀獻策追討賠償，即看下文了解詳情！

港婦幫自然捲髮老公預約深圳美髮中伏！網民慶幸：頭髮都冇甩曬好彩

事主在Facebook群組的發帖，甫開首就用上「避雷」字眼，事源她幫自然捲髮老公預約深圳髮型屋的燙髮項目，挑選了1位「望上去比較穩重嘅髮型師 」，並註明「男士拉直」，可惜事與願違。點撃睇樓主幫自然捲髮老公預約深圳美髮中伏詳情。

港婦幫自然捲髮老公預約深圳美髮中伏詳情

事緣樓主打幫老公預約深圳1間髮廊拉直頭髮，還特意在大眾點評「做功課」，「見到呢間都算大型」

樓主預約了燙髮項目及備註寫明要求男士拉直。另又預約「一位望上去比較穩重嘅髮型師」

樓主表示：「點知做出嚟，完全唔係拉直效果，變咗係燙髮，根全部卷到炒晒」

樓主坦言：「最嬲就係，做嗰個都唔係我預約嗰位」

樓主透露之前不知道髮廊會用哪款藥水，打算抵達髮廊後才選擇，「但係貴極見到都係四百幾，貴少少都冇問題，但唔好當我哋香港人係水魚。」

樓主表示店方指一位短髮男士，「頭頂一個價錢，側邊唔同電法唔同價錢（我地拉直咋喎會有咩唔同電法），計計埋埋計出嚟要成$2000。」

樓主還指出，店方接着說：「俾啲咩優惠折咗都要差唔多千五，要喺美團上面買最貴嗰個電髮不特止」，還需要線下以支付寶再付五百幾元

樓主大呻：「最慘做完出嚟都唔係自己想要嘅嘢！!」，她表示老公在美髮過程中，已不停向髮型師強調要拉直頭髮。 惟髮型師恍如活在自己世界，「口講應承，做出嚟又係第二回事」

樓主坦言老公美髮完後好嬲，皆因他天生「攣頭髮想拉直」，現時頭髮「全部爛晒」，還要重新再搵另一間髮廊拉直頭髮。

港婦在facebook群組深圳大陸吃喝玩樂交流（By Runhotel）發帖大呻，最近有女網民在facebook群組開帖大呻，幫自然捲髮老公預訂深圳1間髮型屋燙髮，註明拉直頭髮，卻貨不對辦。（圖片來源：深圳大陸吃喝玩樂交流（By Runhotel）@facebook）

港婦幫自然捲髮老公預約深圳美髮，網民回應

網民回應：有時唔係咩都去深圳好

網民回應：坦白講，係上面見到佢哋d髮型暫時都唔敢係大陸整頭髮，普遍佢哋大陸男型都係剷光頭為主

網民回應：其實香港搞唔使一千蚊添，唔明點解要專登返大陸整

網民回應：香港短髮做好似都唔洗1000

網民回應：$2000？香港都做到啦

網民回應：幫人避免中雷嘅文章真係抵贊嘅

網民回應：頭髮都冇甩曬好彩

網民回應：2000都肯比，比我就即場打12345去投訴，再拍片放上抖音幫佢地紅一紅，hastag加埋騙財

網民回應：可以拒付，直接報警

網民回應：你可以打電話去國內12315消費者投訴熱線

網民回應：建議搵市場監管局，國內市場監管局對收費唔清晰同強迫推銷管得緊啲，鋪頭唔守法會被停業/吊銷牌照，深圳在地朋友教，尤其是強迫充會員果啲。

網民回應：我響深圳XX造型電髮，辧卡7折¥4XX，師傅都唔錯，跟住佢去同一集團另一間店，剪一次又電多一次（因為我留長髮），一直滿意。

網民回應：我一直返深圳整頭髮，搵到一間好既髮型屋好重要！

網民回應：我係深圳搵到一間好野，性價比超高、髮型師細心，冇當香港人水魚。只可以講對樓主既遭遇深表遺憾同同情

網民回應：但你買果個套票係燙髮嘅？會唔會溝通上有誤會

網民看到事主的經歷後，不少人替事主不值，認為剪頭髮還是留港消費較好：「其實香港搞唔使一千蚊添，唔明點解要專登返大陸整」、「$2000？香港都做到啦」。部分人又向事主提供投訴方法：「你可以打電話去國內12315消費者投訴熱線」及「2000都肯比，比我就即場打12345去投訴，再拍片放上抖音幫佢地紅一紅，hastag加埋騙財」等。不過也有網民分享在深圳「幫襯」好髮廊的體驗，另有網民對樓主是次經歷抱有懷疑：「但你買果個套票係燙髮嘅？會唔會溝通上有誤會」。

延伸閱讀：港婦深圳中伏$488剪髮尾 頭頂剪髮索價逾千元 前苦主分享追討賠償5大要點

早前有位港婦在Facebook群組「深圳大灣區吃喝玩樂開心分享區」發帖，以「估唔到事隔3年幾第一次去深圳，竟然遇上甘呃人嘅銷售手法！ 」為題，大呻中伏經過。

這位港婦在發文甫開首，已明言「分享下俾大家，以免有下一個受害者」。

樓主在文末作出提醒「大家去深圳千祈唔好同人隨便搭訕搭話 」。

帖文中寫道，這位港婦北上深圳辦理銀行咭後，在深圳「卓悅商場」閒逛時被游說「設計髮型」。（圖片來自facebook群組「深圳大灣區吃喝玩樂開心分享區」）

樓主在發文中寫道，「我諗住我老公都係度，只係剪個頭髮應該都唔會貴得去邊？ 」於是跟隨游說者到髮型屋。（圖片來自facebook群組「深圳大灣區吃喝玩樂開心分享區」）

髮型師向這位港婦游說價值人民幣1288元的療程，不果，以試做價488只為樓主修剪髮尾。（圖片來自facebook群組「深圳大灣區吃喝玩樂開心分享區」）

港婦在原帖回應網民的留言，展出未被修剪的髮尾。（圖片來自facebook群組「深圳大灣區吃喝玩樂開心分享區」）

港婦在帖文的留言回應網民，展出在深圳被髮型師修剪的髮尾，留言形容為「好似俾狗咬」。（圖片來自facebook群組「深圳大灣區吃喝玩樂開心分享區」）

港婦深圳剪髮中伏，網民點睇？

網民點睇：「千祈唔好去D大型商場剪食水深，去D街坊小區商場，又或者D小铺剪，又或者上点評望下先，個個飛髮佬都叫總監。。甘小區環境管理首席執行者個title幾靚，實則環衛，又稱掃街」。

網民點睇：「你一定少上大陸自由行, 唔同陌生人隨便答爹係自保常識」。

網民點睇：「記住，去全球旅遊，都有這些人，在國內叫＂托＂！即只係拉人頭去，就等於香港嘅街頭訪問一樣，如果在深圳最基本的就是有人主動埋身就不理不睬，自己有目的性消費或熟人介紹就去，小至＂請問一下，大至免費體驗＂，都唔好立亂跟人去指定的地方，這個是最基本的！男人不要鹹濕，女人不要貪小便宜就一定安全！」。

網民點睇：「有任何事情企硬，加埋報警，你就可以走架嘞，$488都慳返」。

網民點睇：「企咩硬，本身就唔應該比人sell到入去，系大陸要警惕d,太多人搵食，有時要學識冷漠，掂行掂過，唔好可憐人」。

網民點睇：「光棍佬教落，便宜莫貪」。

網民點睇：「我試過行商場有人唔知同我講乜，我回佢英文」。

網民點睇：「大陸髮型屋啲師傅、個個都叫自己做總監」。

網民點睇：「下次同佢講，咁好。我開live拍個視頻 幫你地做宣傳」。

網民點睇：「一定唔比錢，叫佢報公安」。

網民點睇：「下一次，記得打110」。

------------------

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ