港人豪花¥2XXX深圳美发中伏！指定发型师唔见影 拉直头发下场超惨 网民：好彩头发冇甩晒

港人北上深圳不但吃喝玩乐外，还可以配眼镜及睇医生，惟要慎选，小心中伏！最近有女网民在Facebook群组发文大呻，早前帮老公预订深圳发型屋，由于老公的头发是自然卷，故注明希望拉直头发。惟结果事与愿违，老公头发非但没有拉直效果，而且「发根全部卷到炒晒……头发全部烂晒」，更令事主生气的是：「做嗰个（编按：发型师）都唔系我预约嗰位 」。不少网民均替楼主不值，出谋献策追讨赔偿，即看下文了解详情！

港妇帮自然卷发老公预约深圳美发中伏！网民庆幸：头发都冇甩晒好彩

事主在Facebook群组的发帖，甫开首就用上「避雷」字眼，事源她帮自然卷发老公预约深圳发型屋的烫发项目，挑选了1位「望上去比较稳重嘅发型师 」，并注明「男士拉直」，可惜事与愿违。点撃睇楼主帮自然卷发老公预约深圳美发中伏详情。

港妇帮自然卷发老公预约深圳美发中伏详情

事缘楼主打帮老公预约深圳1间发廊拉直头发，还特意在大众点评「做功课」，「见到呢间都算大型」

楼主预约了烫发项目及备注写明要求男士拉直。另又预约「一位望上去比较稳重嘅发型师」

楼主表示：「点知做出嚟，完全唔系拉直效果，变咗系烫发，根全部卷到炒晒」

楼主坦言：「最嬲就系，做嗰个都唔系我预约嗰位」

楼主透露之前不知道发廊会用哪款药水，打算抵达发廊后才选择，「但系贵极见到都系四百几，贵少少都冇问题，但唔好当我哋香港人系水鱼。」

楼主表示店方指一位短发男士，「头顶一个价钱，侧边唔同电法唔同价钱（我地拉直咋喎会有咩唔同电法），计计埋埋计出嚟要成$2000。」

楼主还指出，店方接着说：「俾啲咩优惠折咗都要差唔多千五，要喺美团上面买最贵嗰个电发不特止」，还需要线下以支付宝再付五百几元

楼主大呻：「最惨做完出嚟都唔系自己想要嘅嘢！!」，她表示老公在美发过程中，已不停向发型师强调要拉直头发。 惟发型师恍如活在自己世界，「口讲应承，做出嚟又系第二回事」

楼主坦言老公美发完后好嬲，皆因他天生「挛头发想拉直」，现时头发「全部烂晒」，还要重新再搵另一间发廊拉直头发。

港妇在facebook群组深圳大陆吃喝玩乐交流（By Runhotel）发帖大呻，最近有女网民在facebook群组开帖大呻，帮自然卷发老公预订深圳1间发型屋烫发，注明拉直头发，却货不对办。（图片来源：深圳大陆吃喝玩乐交流（By Runhotel）@facebook）

港妇帮自然卷发老公预约深圳美发，网民回应

网民回应：有时唔系咩都去深圳好

网民回应：坦白讲，系上面见到佢哋d发型暂时都唔敢系大陆整头发，普遍佢哋大陆男型都系铲光头为主

网民回应：其实香港搞唔使一千蚊添，唔明点解要专登返大陆整

网民回应：香港短发做好似都唔洗1000

网民回应：$2000？香港都做到啦

网民回应：帮人避免中雷嘅文章真系抵赞嘅

网民回应：头发都冇甩晒好彩

网民回应：2000都肯比，比我就即场打12345去投诉，再拍片放上抖音帮佢地红一红，hastag加埋骗财

网民回应：可以拒付，直接报警

网民回应：你可以打电话去国内12315消费者投诉热线

网民回应：建议搵市场监管局，国内市场监管局对收费唔清晰同强迫推销管得紧啲，铺头唔守法会被停业/吊销牌照，深圳在地朋友教，尤其是强迫充会员果啲。

网民回应：我响深圳XX造型电发，辧卡7折¥4XX，师傅都唔错，跟住佢去同一集团另一间店，剪一次又电多一次（因为我留长发），一直满意。

网民回应：我一直返深圳整头发，搵到一间好既发型屋好重要！

网民回应：我系深圳搵到一间好野，性价比超高、发型师细心，冇当香港人水鱼。只可以讲对楼主既遭遇深表遗憾同同情

网民回应：但你买果个套票系烫发嘅？会唔会沟通上有误会

网民看到事主的经历后，不少人替事主不值，认为剪头发还是留港消费较好：「其实香港搞唔使一千蚊添，唔明点解要专登返大陆整」、「$2000？香港都做到啦」。部分人又向事主提供投诉方法：「你可以打电话去国内12315消费者投诉热线」及「2000都肯比，比我就即场打12345去投诉，再拍片放上抖音帮佢地红一红，hastag加埋骗财」等。不过也有网民分享在深圳「帮衬」好发廊的体验，另有网民对楼主是次经历抱有怀疑：「但你买果个套票系烫发嘅？会唔会沟通上有误会」。

延伸阅读：港妇深圳中伏$488剪发尾 头顶剪发索价逾千元 前苦主分享追讨赔偿5大要点

早前有位港妇在Facebook群组「深圳大湾区吃喝玩乐开心分享区」发帖，以「估唔到事隔3年几第一次去深圳，竟然遇上甘呃人嘅销售手法！ 」为题，大呻中伏经过。

这位港妇在发文甫开首，已明言「分享下俾大家，以免有下一个受害者」。

楼主在文末作出提醒「大家去深圳千祈唔好同人随便搭讪搭话 」。

帖文中写道，这位港妇北上深圳办理银行咭后，在深圳「卓悦商场」闲逛时被游说「设计发型」。（图片来自facebook群组「深圳大湾区吃喝玩乐开心分享区」）

楼主在发文中写道，「我谂住我老公都系度，只系剪个头发应该都唔会贵得去边？ 」于是跟随游说者到发型屋。（图片来自facebook群组「深圳大湾区吃喝玩乐开心分享区」）

发型师向这位港妇游说价值人民币1288元的疗程，不果，以试做价488只为楼主修剪发尾。（图片来自facebook群组「深圳大湾区吃喝玩乐开心分享区」）

港妇在原帖回应网民的留言，展出未被修剪的发尾。（图片来自facebook群组「深圳大湾区吃喝玩乐开心分享区」）

港妇在帖文的留言回应网民，展出在深圳被发型师修剪的发尾，留言形容为「好似俾狗咬」。（图片来自facebook群组「深圳大湾区吃喝玩乐开心分享区」）

港妇深圳剪发中伏，网民点睇？

网民点睇：「千祈唔好去D大型商场剪食水深，去D街坊小区商场，又或者D小铺剪，又或者上点评望下先，个个飞发佬都叫总监。。甘小区环境管理首席执行者个title几靓，实则环卫，又称扫街」。

网民点睇：「你一定少上大陆自由行, 唔同陌生人随便答爹系自保常识」。

网民点睇：「记住，去全球旅游，都有这些人，在国内叫＂托＂！即只系拉人头去，就等于香港嘅街头访问一样，如果在深圳最基本的就是有人主动埋身就不理不睬，自己有目的性消费或熟人介绍就去，小至＂请问一下，大至免费体验＂，都唔好立乱跟人去指定的地方，这个是最基本的！男人不要咸湿，女人不要贪小便宜就一定安全！」。

网民点睇：「有任何事情企硬，加埋报警，你就可以走架嘞，$488都悭返」。

网民点睇：「企咩硬，本身就唔应该比人sell到入去，系大陆要警惕d,太多人搵食，有时要学识冷漠，掂行掂过，唔好可怜人」。

网民点睇：「光棍佬教落，便宜莫贪」。

网民点睇：「我试过行商场有人唔知同我讲乜，我回佢英文」。

网民点睇：「大陆发型屋啲师傅、个个都叫自己做总监」。

网民点睇：「下次同佢讲，咁好。我开live拍个视频 帮你地做宣传」。

网民点睇：「一定唔比钱，叫佢报公安」。

网民点睇：「下一次，记得打110」。

------------------

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ