權發小廚佐敦開分店！兩餸飯$40價錢不變 因1原因反被批減量 店家委屈拍片回應
2023-07-28 00:00 
油麻地兩餸飯店「權發小廚」自疫情起由酒樓轉型為兩餸飯專門店，主打平靚正兩餸飯，吸引不少街坊光顧，最近宣布在佐敦開設第3間分店，新店新增卡位供食客堂食，至於價錢維持不變，$40就食到高質兩餸飯！不過卻因1原因被網民批餸菜減量，令店家委屈拍片回應，力證清白。
權發小廚佐敦開分店！兩餸飯$40價錢不變
隨著復常，兩餸飯熱潮似乎退卻，不過一向以餸菜質素高又平價著稱的權發小廚，就繼續擴張，宣佈第3間分店進軍佐敦彌敦道，新店環境寬敞，裝潢以木系設計為主，簡潔企理，新店更加設卡位供食客堂食，權發小廚更在專頁笑指「可能係全香港最靚嘅兩餸飯店。」
至於價格方面，新店價錢維持不變，兩飯$40；三餸$50，亦有$50淨餸選擇，價錢實惠，引來不少「香港兩餸飯關注組」成員率先前往試食，從圖片可見，餐廳一如既往有多款餸菜選擇，當中不乏有梅菜扣肉、炒蜆、招牌生炒骨、豉汁鱔、蒸水蛋等家常便菜，更不時有限定菜式推出，如西蘭花炒新鮮龍躉球、蒜泥白肉、蒜茸開邊蒸蝦、金銀蒜蒸游水鮑魚仔等，誠意十足，有人大讚「平過街巿買，好過自己煮。」
權發小廚佐敦開分店！轉用環保飯盒被批減量
一般兩餸飯店都會選用發泡膠即棄飯盒，成本便宜又方便，不過發泡膠對環境會造成傷害，權發小廚最近亦宣布轉用環保餐盒，餐盒為玉米澱粉可降解餐盒，在自然條件下在90天可自然降解，對環境零污染又安全，而且可微波加熱亦可冷藏，方便食客，權發稱雖然增加了成本，但是想盡應該付的社會責任，為環保出一分力。
不過此舉卻受到部分食客質疑，指新餐盒每格空間細，認為權發轉用環保餐盒實質乘機減少份量：「話就話環保，其實想畀少啲餸」、「商家佬又借環保慳成本，你睇個格仔幾細」、「擺明減少份量，變相又加價。」、「而家唔使排隊都冇人買！」
權發被批轉用環保餐盒乘機減量 委屈拍片回應力證清白 獲忠實食客力撐
權發被網民炮轟轉用環保餐盒乘機減量，無奈之下拍片回應，在片段中店家將舊飯盒的飯餸，一舀舀轉移至新的環保飯盒中，證明餸量無改變，力證清白，更委屈表示：「份量冇減少，份量亦冇增加，增加嘅係我哋嘅成本！」
獲忠實食客力撐：「啲人駛唔駛拎埋個磅去買個飯啊？」、「果然一直用心經營」、「權發無可取代」、「公平公正公開」、「飯盒變好了，現在成本很貴，好看一點厚一點，好用一點都是好幾塊錢都是成本啊！不換包裝又不行，顧客覺得不好看不美觀大方，或不環保。但是美觀大方環保，代表的就是很貴」、「批評總比讚美多」、「多謝愛地球，會多多幫襯」。
權發小廚 佐敦店
地址：彌敦道317號金漢大廈地下
延伸閱讀：兩餸飯熱潮退卻？逐間結業現「倒閉潮」掀熱議 網民：疫情後完成歴史任務vs汰弱留強
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應