李辰安 - 貴州出晒位｜辰來之筆

公司最近生意好好，不過形勢就唔係太好，事關請人請唔到，老闆問我點搞？我都想知點搞，問下大家啦。「安仔，你有無搞錯，全世界都人手短缺啦，你家公司出幾多錢請人先？」大師兄今日請飲茶，慶祝美斯來華獻技，全程好成功咁話。「世侄，中國足球都幾曲折，原本上世紀70年代，中國都算亞洲強隊，同韓國、日本平起平坐。」係，我都有印象，當年亞洲最勁你估係邊隊？「辰哥，你唔係話香港？」
 

鄉村足球超級聯賽因球員以當地村民為主，也被網友稱為「村超」。

鄉村足球超級聯賽球員進場比賽。

鄉村足球超級聯賽球員盡全力比賽。

啦啦隊落力打氣。

貴州鄉村足球超級聯賽甚受當地居民歡迎。

啦啦隊穿傳統服飾落力打氣。

貴州鄉村足球漸成風氣。

當地小朋友也愛上足球。

貴州鄉村足球有好多出色球員湧現。

貴州鄉村足球漸成風氣。

上世紀70年代 港隊叱咤亞洲球壇

乜你咁嘅眼神望住我，你想講乜呢？

「食嘢先啦，天氣熱都要食，唔好搞到飲食唔均衡。」好，茶樓老闆今次無介紹蒸條魚，反而要大家食冬瓜盅。「依家食魚唔係好抵，遲啲啦，陳皮蒸牛肉OK噃，仲有乳豬都唔錯。」一於你幫大家Order，我飲杯老闆喺大灣區帶返來之野生紅茶，無得項。

張翁歎完杯野生紅茶，好有感慨咁話︰「當年最勁係北韓，不過，你話香港好勁亦得，因為上世紀70年代初，香港對朝鮮打出一場史詩級比實，最後加時打和，港隊輸十二碼，差少少可以砌低呢隊神秘球隊。」所以話，銀行偉你唔好大驚少怪，香港曾經叱咤亞洲球壇，之不過，唔知點解，去到上世紀90年代就畀韓國、日本全面趕上，大師兄，你咁有知識，知唔知點解？係咪特區政府無資助？

不如食老闆推薦之灌湯餃，濕濕地幾好。「李生就識食，本店灌湯餃係正宗做法，唔會無厘頭加人造蟹柳，亦無土豪到加塊花膠，純粹清新口味，建議加少少浙江紅醋。」
 

鄉足漸成風氣 出色球員湧現
 

講起香港足球，張翁話︰「幾十年前，香港足球風氣好盛，港英政府幾時有資助？大家鍾意踢波，咁就成事，成日郁下就要政府畀錢。」係囉，我知道當年香港最好賣係「白飯魚」膠底波鞋，踢波使得幾多錢？「辰哥，我想更正一下資料，當年之白飯魚寫明係網球鞋，無預你穿嚟踢波。」我都費事回應，冬瓜盅來了。

大師兄話，中國足球開始有好苗頭，貴州鄉村足球漸成風氣，好多出色球員湧現，依家上網都可以睇到。「中國足球點解唔見突出，相信唔係無錢培訓年輕人，而係足球有太多錢銀往來，成為財技商品，大孖沙買球會，出手炒高個班底，高薪聘請外援，金錢過多等如白血球過多，就會變成好唔健康。」

我好欣賞老闆呢碟陳皮蒸牛肉，真正鮮牛肉。你知啦，好多茶樓無呢一味。「當年，香港人着白飯魚踢波，依家好多家長好捨得花費畀細佬學足球，你估香港足球幾時再出多幾個胡國雄？」

大家掛住食冬瓜盅，無人應我，老闆忽然一句︰「唔好意思，乳豬原來賣晒。」你依家先講，有無搞錯。「李先，我哋人手唔夠，所以不時甩轆，見諒見諒。」無問題，我公司都請唔到人，打寫字樓冷氣工都無人吼，何況茶樓工時間又長又辛苦，明白。

「大師兄對中國足球好有期望，幾時搞個貴州足球旅行團，去玩幾日呢？」嘩，成千公里遠，你講笑咩，搭高鐵都成半日，不如去廣州閒逛，大家可以去歎下好茶，食下古法粵式點心，咁就Very Good啦。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ