港男試食青衣良心價拉麵店後指被騙疑報食環 小店如此下場仍獲街坊力撐
2023-03-21 00:00 
青衣拉麵小店「木屋小食店」因為良心價$40就有足料拉麵爆紅，一向受到青衣街坊及關注組力推，引來不少人慕名前往光顧。不過近日小店卻鬧出一場「打手風波」，一名網民試食完後揚言被打手欺騙，疑憤而向食環投訴，令小店屢屢遭查牌下場極慘，街坊齊撐小店更圍攻鬧爆該名網民，更指：「街坊今後會加大力度繼續支持！」
港男試食後不滿味道 直斥：畀你班打手呃X咗！
位於青衣長康邨的「木屋小食店」一向是街坊名店，主打$40大份拉麵，在青衣街坊群組一直獲不少網民留言力捧味道好又抵食，小店經常大排長龍。
不過近日就有網民在Facebook群組「青衣街坊吹水會」留言，怒轟被群組內的「打手」欺騙，表示因為太多人推薦小店，被「老婆特登由觀塘捉過去遊車河食拉麵。」但試食後卻覺得不外如是，斥「最X慘畀你班打手呃X咗！冇你哋講得咁好，仲搞到我咁X遠身水身汗過去。」
該網民更揚言會向食環投訴：「你班打手好X煩，警告你哋再打手廣告，我就打去食環署查下有冇牌。費X事又下下界我老婆捉出去咁X遠返外家！」小店老闆後來親自回覆：「係我嘅錯，我整得唔好食，唔好意思。」
不少網民都表示不認同港男的批評，指：「我食過呀，我可以好公道話你知呢個麵對得住呢個價錢。」、「點會成個青衣嘅人都係打手？你咪唔好幫襯囉！呢個Group係青衣唔係觀塘。」、「攪到你要去，唔係街坊嘅錯……」群姐管理員亦出聲表示：「我相信豪老闆呢一年都做到冇停手，唔需要搵人喺群組推廣嘅。」
港男被「辣㷫」揚言會向食環投訴：逼我入窮巷，就做畀你哋睇
港男疑被網民的圍攻「辣㷫」，留言直指：「畀你哋鬧完之後，靈機一觸」上食環網頁查詢向該拉麵小店查牌，指「舖頭無申請合法持牌座位」，更指其他網民「幫老細申請（被投訴）」直言被「激嬲」：「逼我入窮巷，就做畀你哋睇！」揚言會向食環投訴：「睇嚟你哋幾個旁邊鶴，係都要挑起我，用法規解決先安樂！」
小店屢遭查牌+暫停堂食 老闆無奈嘆：點都頂住，成頭家等我開飯
在數星期後，小店在本月15日在Facebook專頁貼出告示，寫道：「由明天起，只可以外賣了（大家知咩事架啦）」網民猜測港男真的向食環投訴，令小店屢屢遭查牌，更無法提供堂食，老闆無奈表示：「我都想當休息，要上庭罰錢」又感嘆：「點都頂住，成頭家等我開飯。」
網民留言齊撐小店：企喺度食都要嚟
不少網民湧入留言齊撐小店：「呢個人真係好PK」、「做埋啲損人不利己嘅嘢，真係好難了解佢點解有啲咁Pk嘅心態」又指會以行動支持：「企喺度食都要嚟」、「我買完自己痞起你門口食」
不過小店在2天後公佈好消息，表示已經可以只在週六提供堂食，獲不少街坊支持，更有人指小店排起人龍：「12:15到，太多人，唯有等下次。老闆加油！」
木屋小食店
地址：青衣長康邨康和樓長康市集地下M16號鋪（地圖按此）
營業時間：12nn – 7pm （逢星期日休息）
電話：6034 4141
專頁按此
延伸閱讀：木屋小食店｜青衣拉麵 $40碗良心價！關注組力推 自家熬湯 貼心為老街坊調校口味
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應