大掃除｜化學博士K Kwong教路輕鬆去除廚房廁所各種污漬

2023-01-17 00:00

農曆新年將至，雖然按照傳統習俗，年廿八才是大掃除的日子，不過打掃是個大工程，相信很多人都已經開始著手清潔家中各角落，以免之後手忙腳亂。近日化學博士K Kwong在Facebook開清潔小課堂，分享大掃除知識並解說當中的清潔原理，教大家正確運用漂白水、蘇打粉、檸檬水、白醋等清潔好物，去除廚房廁所的污垢水漬！

化學博士K Kwong分享大掃除去污漬知識

大掃除若學會對症下藥，先了解污漬特性再用合適的清潔劑，做起來自然事半功倍，所以不論家務小白抑或經驗老道的媽媽們，都趕緊把化學博士K Kwong分享的清潔小知識學起來吧！

點擊睇 K Kwong 教你去污漬

雖說年廿八才是洗邋遢的日子，不過很多人已經提早開始清潔。

化學博士K Kwong近日在Facebook教路，分享輕鬆去除廚房廁所各種污漬的妙招。

廚房篇 - 善用梳打粉

廚房污漬主要是「油性」的物體，用鹼性的清潔劑就可以除走。

除了強鹼性的哥士的(氫氧化鈉 NaOH)之外，可以用弱鹼性的梳打粉。

整餅用的梳打粉是碳酸氫鈉 NaHCO3，有弱鹼性 (即釋出 OH^- )。OH^- 結合油脂會產生「加鹼水解」，生成可溶於水的「番梘」和「甘油」。所以污漬可以隨便用水抹走：脂肪 (三酸甘油脂) + OH^- → 番梘 + 甘油

更頑固的污漬可以加少少醋入梳打粉，醋同梳打粉反應會產生二氧化碳，氣泡會幫助除去污漬。 CH3COOH → CH3COO^- + H^+ HCO3^- + H^+ → H2O + CO2

浴室篇 - 善用漂白水

馬桶污漬(主要是鐵銹漬) 可以用「潔厠得」、「鏹水」洗走

瓷磚或浴缸邊的黑色是霉菌的代謝物(黑色素)，可以用紙巾剪成3cm 闊一條條敷在黑色部分，再灑漂白水上去。過零鐘就變回白色。

坊間的浴室去霉劑啫喱其實也含漂白水成份次氯酸鈉 NaOCl

次氯酸鈉會放「初生態氧」，將黑色素漂白： OCl^- → Cl^- + [O] 初生態氧色素 + [O] → 色素-[O] (無色)

去除廚房廁所污垢原理

除水垢

水垢 scale是由於有輕微(硬度)的水受熱而產生

香港食水含有極少量可溶於水的 Ca(HCO3)2 及 Mg(HCO3)2，受熱分解會產生不溶於水嘅碳酸鈣同碳酸鎂： Ca(HCO3)2(aq) → CaCO3(s) + H2O(l) + CO2(g) Mg(HCO3)2(aq) → MgCO3(s) + H2O(l) + CO2(g)

碳酸鈣和碳酸鎂都可以溶在酸性液體內 (含有H^+ 離子)，所以可以用檸檬汁、可樂、醋或者專為清潔水垢的檸檬酸 CaCO3(s) + 2H^+(aq) → Ca^2+(aq) + H2O(l) + CO2(g)

如果不想用酸 (因為怕酸會腐蝕金屬和雲石)，黏附在雲石、玻璃或不銹鋼面的水垢可以用雞蛋殼磨走(不過要磨很久)。如果面積好細亦都可以用牙膏牙刷去擦掉它。

同場加映：爐頭清潔｜抽油煙機輕鬆去漬台灣KOL實試護膚品洗廚房：比用廚房清潔劑好

網民集思廣益討論大掃除妙招

化學博士K Kwong的帖文一出即引熱烈回應，有人提出其他清潔疑難，亦得到K Kwong和其他熱心網民的解答。

點擊睇網民討論大掃除妙招

我對漂白水敏感，浴室可唔可以有其他方法清潔推介？

請問洗衣機內攏應該用甚麼去菌、去霉和污垢呢？

請問鋅盤去水慢，市面上嘅去油條ok嗎，用得多係咪會損害水喉管？

請問浴屏啲水垢可以點搞？睇過好多youtube教學片效果都未如理想

請問玻璃上既膠紙跡可以點樣移除？

我都好想知有無得救

象印真空保溫瓶內裏有層coating，可否用檸檬汁、可樂、醋?

想問問玻璃浴屏的水垢如何清潔？

Q&A
Q1：我對漂白水敏感，浴室可唔可以有其他方法清潔推介？
K Kwong：彩漂開水。

Q2：請問洗衣機內攏應該用甚麼去菌、去霉和污垢呢？
K Kwong：買洗衣機專用嘅洗衣機除霉劑，深水埗$20內。

Q3：請問鋅盤去水慢，市面上嘅去油條ok嗎，用得多係咪會損害水喉管？
K Kwong：唔會！去油條有哥士的，唔會「拿」爛平時嗰啲喉管(因為唔係鋁做)。

Q4：請問鋅盤去水慢，市面上嘅去油條ok嗎，用得多係咪會損害水喉管？
K Kwong：唔會！去油條有哥士的，唔會「拿」爛平時嗰啲喉管(因為唔係鋁做)

Q5：請問浴屏啲水垢可以點搞？睇過好多youtube教學片效果都未如理想
K Kwong：唔想煩買嗰啲玻璃水漬嘅噴劑，亦可以用草酸

Q6：請問玻璃上既膠紙跡可以點樣移除？
網民：膠漬上搽啲煮食油，過一段時間啲油溶解咗啲膠漬，用抺布抺走，再用洗潔精洗乾淨

Q7：我都好想知有無得救（頑固水漬）
K Kwong：如果牙膏牙刷都唔得就用刀片
網民：YT有人教檸檬酸+熱水噴喺紗布上再貼喺水漬位置，再用保鮮紙包住等半粒鐘，用濕布抹，再用乾布抹乾

Q8：象印真空保溫瓶內裏有層coating，可否用檸檬汁、可樂、醋?
K Kwong：檸檬汁、檸檬酸、白醋都得

Q9：想問問玻璃浴屏的水垢如何清潔？
網民：日本城買支台灣製妙管家...水垢殺手20幾蚊，幾work，YouTube 片都有人測試過，結果唔錯