不滿惠康取消免費保鮮袋 港男故意毀壞商品包裝  網民：小學雞｜飲食熱話

政府推行膠袋徵費多年，致力於培養公眾的環保意識，不過一些大型超市考慮到冷凍食物容易出水，所以仍然會斟酌性派發免費的保鮮袋。近日就有港男在連登討論區發文，表示自己到惠康選購貨品時發現店方已不再派發保鮮袋，故而感到不滿，他在平台上自爆：「我有自備購物袋，但一次買幾樣嘢，想用雪袋分開黎袋住先都冇，好唔方便，搞到我好慶，尋日番屋企放低嘢之後再落過去惠康『揀』雪糕，但『唔知點解』 我『揀』完嘅甜筒雪條都爛晒，不過我就心情好咗好多，冇買嘢就走咗」。雖然這名港男沒有明言自己毀壞商品包裝，但心水清的網民皆對事主的惡行感到憤怒，表示如果事情屬實，則為刑事毀壞。

圖源：連登討論區截圖

>>點擊睇 事件來龍去脈

點擊睇 事件來龍去脈

政府推行膠袋徵費多年， 致力於培養公眾的環保意識。

不過一些超市仍然會 斟酌性派發免費的保鮮袋。

事源一名港男自備購物袋到惠康買東西

購物期間事主想取保鮮袋將食物分開裝

卻發現惠康不再派發免費保鮮袋，覺得十分不便

事主對此表示憤怒，回家放下購置的東西，便回到惠康......

破壞雪糕包裝以發泄情緒

事主還沾沾自喜， 將自己的行為分享到連登討論區， 繼而引起熱議。

 

 

港男本來想就惠康取消派發保鮮袋的事件圍爐取暖，不料引起網民公憤。三觀極正的網民紛紛留言，表示對這種行為感到不齒。

>>點擊睇 網民留言

點擊睇 網民留言

港男對自己的行為表示理直氣壯， 還想在討論區就「惠康取消雪袋」的事圍爐取暖。

但網民三觀正， 對事主行為表示不齒。

小學雞到呢 定有反社會人格

如果樓主唔係假膠， 睇返CCTV已經報得警

希望個經理發現d貨有問題會去睇下cam發生咩事，有刑事成分就報警拉人

幫襯惠康(你有得揀)同自由行政策(你無得揀)，兩樣唔同context嘅野你都可以撈埋嚟講。服X咗你呢啲廢老

樓主整爛甜筒雪條？ 刑事毀壞

好Xcheap 有冇諗過其他人買完發現D甜筒爛晒係咩心情 你淨係諗到你自己

你都幾X低賤，覺得惠康X街咪唔好X幫襯囉。特登走返轉頭整爛人啲貨，仲要上網開post沾沾自喜。

你揸爛晒d嘢， 有d人冇留意就買咗你製造出來的垃圾， 你都真係好衰格下

留名等睇惠康check cctv 再報警

心智年齡6歲

有病睇醫生

好肉酸

 

 

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ