燒烤場重開｜嚴選20個最靚景最方便最隱蔽BBQ場 呢幾個伏味濃唔好去

等了又等，終於等到啦：政府剛剛宣佈咗BBQ場由下周起 (11月3日) 重開，我哋可以明正言順出去郊外舒展，同朋友圍爐燒雞翼，心情真的很興奮。小編立即搜尋全港各大由政府管理嘅燒烤場，原來都有分兩種，一種就係漁護署嘅場地，另一種係康文署嘅場地，分別只係在於佢嘅位置究竟在郊野公園定係沙灘邊，而無論係邊種都好，都係一齊開放，數目多達二百個。唔好理啦一於睇清楚邊個值得去，邊個最好唔好諗。
(五星最高分，一星最低分)

靚景推介︰
大美督燒烤區
呢個算唔算燒烤場始祖？就算唔係最耐都一定係最多人聯想得到嘅好地，有海景有得泊車又有得租單車，冇得輸。
風景︰*****
燒烤爐數目︰大量
方便程度︰*****
總分︰*****

大網仔燒烤區
坐西貢巴士經過大網仔一帶，成日都見到好多靚景燒烤爐，大部分都係望海，連隻雞翼都會特別好食，點可以唔打卡。
風景︰*****
燒烤爐數目︰沿途有多號場地，中量
方便程度︰*****
總分︰*****

石澳泳灘燒烤區
夏天好多人去游水嘅石澳灘，有小巴、巴士仲有得泊車，而且又係海景，洗手間設置齊，最緊要係冬天相對少咗人，最啱燒烤。
風景︰*****
燒烤爐數目︰中至少量
方便程度︰*****
總分︰*****

清水灣第一灣泳灘燒烤場
清水灣第二灘有車位，或者坐巴士去又得，不過燒烤就要行返去一號灘，但相對而言人潮就冇咁多，幾舒服。沙灘燒嘢食聽住海浪聲，心情特別好。
風景︰*****
燒烤爐數目︰中至少量
方便程度︰****
總分︰****

南灣泳灘燒烤場
南灣係一個風景優美嘅泳灘，最緊要係冇淺水灣同赤柱咁多人，識游一定係揀南灣。所以燒烤場一樣係比較少人用，燒烤爐19個，應該唔會太多人爭。
風景︰*****
燒烤爐數目︰中至少量
方便程度︰***
總分︰****

大棠燒烤區
紅葉季節就快到，有咩好得過係去完BBQ又可以行埋山睇紅葉先，不過要留意一件事，紅葉季節期間，大棠山道有半條都會封路，事情就唔會兩全其美，至於非紅葉季節嘅話，部車就可以泊上燒烤區附近，行去BBQ場一分鐘都唔使。
風景︰*****
燒烤爐數目︰中量
方便程度︰****
總分︰*****

交通方便推介︰
黃石燒烤區
一程巴士94或者96R坐到尾站，雖然大家會覺得好似有啲遠，但係.....真係好靚，又真係算方便，其實預咗BBQ都去玩一日，點解唔揀呢個場呢？
風景︰*****
燒烤爐數目︰大量
方便程度︰*****
總分︰*****

北潭涌燒烤區
北潭涌亦是另一個有巴士、小巴、泊位嘅場地，而且真係有大量燒烤爐，入閘之後的傷建樂園燒烤場也是可選擇的場地，而呢一帶總數係有六個有編號的場，所以只要肯入去，基本上都唔難搵爐。
風景︰***
燒烤爐數目︰大量
方便程度︰*****
總分︰****

鶴藪燒烤區
由粉嶺坐小巴直入就會到達鶴藪水塘附近，燒烤場全部在馬路旁邊，唔用「直達」呢兩個字真係講唔通。
風景︰***
燒烤爐數目︰中至大量
方便程度︰****
總分︰****

駕車人士推介︰
涌背燒烤區
係，有車真係大晒㗎，因為你去到一啲其他人要好轉拆先到達嘅燒烤場，當中在新娘潭路邊嘅涌背燒烤場及營地，好多發燒友鍾意開車去，由於其他的交通工具比較難到達，班次又唔多，所以就轉咗係自駕人士的燒烤樂園。
風景︰***
燒烤爐數目︰中量
方便程度︰***** (開車計)
總分︰****

大坑墩燒烤區
大坑墩燒烤區係香港最熱門的放風箏地點，即係大坳門所在地，個草坡靚到爆，而一般人要去係好麻煩，落巴士或小巴後要沿清水灣道行入去，但開車的話就可以直接泊入去，不過要留意，車位好少，要爭嘅!!!
風景︰*****
燒烤爐數目︰中量
方便程度︰***** (開車計)
總分︰*****

城門燒烤區
城門水塘燒烤區亦好似係專程方便自駕人士而設咁，因為唔開車去的話，從小巴站真係要行上斜路再入去，當然，有好多行山人士唔介意，但BBQ要攞住咁重嘅美食就最好開車吧。
風景︰****
燒烤爐數目︰中至大量
方便程度︰**** (開車計)
總分︰****

超人氣推介︰
獅子山燒烤區
獅子山郊野公園入口 (天馬苑後) 嘅BBQ場，長期都好多人......非常之受外傭們歡迎，落車只係行少許路就入到去，而且仲要係有靚山景，難怪長期要等。
風景︰*****
燒烤爐數目︰中量
方便程度︰**** 
總分︰****

北潭涌燒烤場

北潭涌燒烤場

大浪灣泳灘燒烤區
大浪灣泳灘的燒烤區好似365日都人氣爆燈，究竟點計呢？小編都好想知.....尤其係聖誕、新年呢啲公眾假期。
風景︰*****
燒烤爐數目︰少至中量
方便程度︰**** 
總分︰****

荃錦燒烤區及扶輪燒烤場
位於大帽山腳呢個場，真係名副其實旺場，可能因為有巴士又有車位，又有小食亭，跑山、踩單車、露營等人士全部都好鍾意呢度，BBQ場亦都係人氣鼎盛。
風景︰***
燒烤爐數目︰中量
方便程度︰**** 
總分︰****

最隱蔽推介︰
塘福引水道燒烤區
位於大嶼山的塘福呢個地方本身已經偏遠，仲要係引水道燒烤區就更加......，大家明白啦。
風景︰***
燒烤爐數目︰少量
方便程度︰** 
總分︰***

樂信徑燒烤場
樂信徑在哪兒？真係唔知道......好正常，原來係位於火炭嘅後山，有YouTuber話呢個簡直就係被毫宅包圍的居民燒烤場，小編真係未去過，嚟呢度只有一個好處，唔使爭。
風景︰***
燒烤爐數目︰少量
方便程度︰** 
總分︰**

孖指徑燒烤區
呢個燒烤區正確位置係.....九龍水塘同金山郊野公園附近，總之就要行山行入去，燒烤爐數目有8個咁多，點呀.....點解我要去呢。
風景︰**
燒烤爐數目︰少量
方便程度︰** 
總分︰*

伏味最濃推介︰
海下燒烤區
其實海下呢個地方本身就交通不便又唔係容易去，而最伏係.....海下最大嘅一號燒烤區已經冇咗啦，變身成為今日嘅海下遊客中心，......如今只剩低一個雜草嘅二號場，好彩附近最近嘅仲有猴塘溪營地燒烤區，坐同一架小巴都去到。
風景︰**
燒烤爐數目︰少量
方便程度︰** 
總分︰*

張保仔洞郊遊區燒烤區
點解我要山長水遠入長洲再行過去張保仔洞郊遊區燒烤呢？小編睇唔透。
風景︰****
燒烤爐數目︰少量
方便程度︰* 
總分︰**

更多燒烤場重開食肆放寬資料：https://bit.ly/3DFUywi
一網睇晒157個燒烤場重開：https://bit.ly/3sE4DU6
重開設施睇多啲：https://bit.ly/3DjkCfg
-------------
大棠燒烤場周邊好去處 5 萬呎果園免費入場：https://bit.ly/3W7C8fd
大棠燒烤場周邊好去處 12月去睇紅葉：https://bit.ly/3Fo3gR7
-------------

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ