米珠蓮｜8折優惠！超抵食海鮮自助晚餐任食即開生蠔鱈場蟹煎鵝肝

2022-10-10 00:00

8度海逸酒店位於宋皇臺站附近，地理位置方便，不時推出抵食自助餐。10月起又有新優惠，推出「品味‧海鮮盛宴自助晚餐」，預早book定可享8折優惠，一於同埋家人去平歎返餐海鮮自助晚餐！

任食海鮮刺身冷盤
海鮮自助晚餐由即日至2023年1月31日供應，於酒店eShop預訂，平日可享8折優惠，公眾假期則有85折。星期一至四首100名客人更可享額外9折優惠。大家最關心的當然係有咩靚海鮮食，每日空運到港的法國、美國、愛爾蘭即開新鮮生蠔，入口盡是鮮味。鱈場蟹腳啖啖肉又鮮味十足，紐西蘭青口、海蝦、海螺等一樣鮮味無窮。刺身方面選擇亦夠多，三文魚、八爪魚、鯛魚、甜蝦等，連開胃冷盤都有多種選擇，青檸青酒浸大蜆、巴馬火腿伴蜜瓜、意大利扒菜伴水牛芝士、泰式酸辣雞腎、杞子花雕醉雞翼等。

必食香煎鵝肝燒羊扒
熱食方面選擇更多，肉汁豐腴的燒牛肉西冷、紅酒燴牛肋條及燒羊扒，仲有風味十足、香濃惹味的黃金蝦、青咖喱荔枝煮鴨。現場亦有即叫即整專櫃，首推香煎鵝肝伴黑松露汁，以慢火將鵝肝煎至微微金黃，再配上香脆多士，滋味無比。仲有滋補的蟲草花螺片燉雞湯，清潤可口，啱晒秋涼天氣。

地址：土瓜灣九龍城道199號8度海逸酒店
價錢：每位$465.8港元起
時間：6pm至9pm
預訂網址：https://bit.ly/2JJ4yXS