澳洲悉尼｜酒吧新安全指引 搭訕/眼望望都係罪？違例者將被趕離場
2022-09-08 00:00 
去夜店畀人搭訕、眼望望，可能大家都覺得屬平常事。如果有間夜店唔畀搭訕、𥄫人，你又覺得點？會唔會去？
澳洲悉尼一間夜店Club 77，近日在社交平台Instagram上更新其安全及騷擾指引，將「凝視」列為其中一種騷擾方式。如顧客在店內未經同意下望其他顧客、對某顧客給予過分關注，或進行疑似搭訕行為，夜店職員有權阻止相關行為及驅逐該客人。Club77仲好認真地聘請了「粉紅背心專員」，負責執行相關規定。如真係想同某顧客搭訕，只需禮貌地問，並得到對方口頭同意即可。新規定不是存心要捉人，而是希望大家在安全環境下歎返兩杯，總有些顧客去夜店不為被搭訕或畀人望，只是想收工後同朋友摸杯底傾下偈。店主Dan Gorrel表示：「若有人來夜店只為同陌生人搭訕、𥄫人，就建議他不要來了。」措施實施至今，Dan亦指出：「尚未有人因凝視他人而被驅逐。Club77只是制定基本規則，希望大家在安全情況下去夜店。」措施反應出奇地熱烈，唔少網民表示支持。唔知香港夜店日後會唔會有類似措施呢？ 
Club 77的Instagram列出安全及騷擾指引
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
關鍵字
最新回應