港式Seacation｜The Mira一站式玩法 遊船河玩水住酒店人均$950起

在過去兩年的抗疫，讓香港本地遊有新玩法，先係流行咗一個叫「Staycation」嘅詞彙，簡單嚟講就係留在香港享受酒店的假期，重拾在外國旅遊時住酒店吃喝玩樂的感覺，繼而仲有「Flycation」及「Seacation」，都係一啲機構例如航空公司或者郵輪公司，想帶俾大家旅行感覺而創做出嚟嘅旅程，離唔開香港海域或者香港嘅天空，但一樣要有旅行感。

借用「Seacation」呢個字眼來宣傳嘅就係香港其中一間型格設計酒店The Mira Hong Kong，點解一間本地酒店會同海洋住宿有關？睇清啲其實佢哋係玩緊一站式遊船河連住宿，今次呢個2日1夜住宿套票係包括咗一日豪華寬敞的法國雙體帆船型格出遊，呢款船可以提供不論係二人嘅浪漫、八人嘅家庭同樂聚會定係多至二十人嘅美食派對都招待到，豪華遊艇上提供充氣滑水道、充氣浮墊、香蕉船及滑水等刺激嘅水上活動，另備冷氣供應、開放式廚房、豪華沙龍及船頭日光浴區等。至於航行路線就可按個人喜好去選擇，包括香港海上秘景，又或者淺水灣、清水灣、南灣、南丫島等。

玩完水就返酒店hea，入住酒店套房連早餐、仲可以享受Vibes仲夏主題嘅雞尾酒及頂級香檳。想玩盡啲，仲可以額外升級去享受MiraSpa水療，或者體驗Mira Wanderland，盡情玩模擬賽車或者密室逃脫等。

唔講唔知原來出海套票都可以有咁多嘢玩，價錢嚟講當然就唔係sell平，二人派對入住尊貴白金庭園套房或極致奢華庭園套房，優惠價就由$18,800起，相對地八人家庭聚會就平少少，包兩間套房係$16,800起，最划算當然係二十人的派對，共八間城景客房，優惠價係$19,000起，即人均低至$950，如果有成班朋友同你去癲，真係可以考慮下㗎。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ