新奇設計｜珍寶珠收納盒超呃like 掛在腰間隨時食？得意零食收納設計逐個睇
2022-09-05 00:00 
大家平時吃零食，有沒有試過食唔晒的零食點算好？又或者某些易碎易爛的食物要放入袋時你又如何處置？日本有網站設計了一系到糖果零食收納盒，設計相當高質，仲係全人手木製，你會唔會想買返個？
珍寶珠收納盒最呃like
最呃like的要數珍寶珠收納盒，圓碌碌木盒可以擺到一支珍寶珠，外型超得意，似裝飾多過收納盒，仲附有皮帶，可以扣在褲頭和背囊，隨時食都得。 
珍寶珠收納盒似裝飾多過收納，用途不大但夠創新。
朱古力豆變蓮藕片
眼鏡彩色朱古力豆豆係80、90後的童年回憶糖果。原本設計加條橡筋就可以做到「戴眼鏡」效果，盞鬼趣致。想收納好呢排豆豆？將8字形的朱古力豆包裝摺埋，再用這個收納盒夾住就得。收納盒外形似足蓮藕片，睇落實際用途似乎不大呢。 
這個蓮藕片造型，點睇都估唔到原來用來放朱古力豆。
百力滋盒最實用
以上兩個設計，玩味性質似乎大於實用價值，但個人認為這個百力滋收納盒就最有用。百力滋本身易折斷，放在袋中一定被其他物品壓碎。這個流線形設計的收納盒，尺寸剛好放得下一小包百力滋，帶出街、去行山放在袋中都唔怕壓碎晒。 
百力滋盒最實用，外形像筆袋。
關鍵字
最新回應