夏日消暑｜$8 重拾童年味道便利店透心涼雪條雪糕新品推介

2022-08-16 00:00

夏日熱辣辣好熱好熱，明明最近日日都落雨，但唔知點解天氣依然熱到人都溶。呢個時候，剩係開冷氣已經唔夠喇，食番啲透心涼嘅冰品落肚先係皇道。梗有一間喺左近嘅便利店就有不少選擇，以下兩款雪條雪糕性價比甚高，仲係今個夏季先新出／強勢回歸，你又試咗未？

1) 能得利黑加侖子味冰條

能得利軟糖，應該無乜邊個香港人細個未食過。夏天食糖可能太膩，但變成雪條就唔同玩法喇。雀巢能得利黑加侖子味冰條 2013年首度上架，保留果汁軟糖嘅真果汁口感及甜膩味道，再加上冰條嘅消暑爽涼感覺，當年都幾多人搶住試，可惜之後就無再推出。今年能得利冰條強勢回歸，每支0克脂肪、無人造色素，價錢又唔貴，買枝嚟降降溫兼重拾一下童年回憶都唔錯。

雀巢能得利黑加侖子味冰條 HK$ 16 / 2支

2) 藍莓芝士味雪糕三文治

各式雪糕三文治一直有自己嘅獨特市場，貪佢一次過滿足兩種口感、兩種願望。今個夏天雀巢加入戰場分一杯羹，推出全新藍莓芝士味雪糕三文治。圓型芝士蛋糕口感餅層，夾住含有真正藍莓醬嘅藍莓芝士味雪糕，啖啖都有雙重滋味，既係冰凍雪糕，亦係有咬口嘅甜品。比起普通雪糕，多了一份飽肚及滿足感，3 點 3 下午茶食番件一流。