親子好去處｜LEGO 90周年 香港首架樂高雙層巴士免費搭 巨型樂高公仔打卡

樂高今年90周年喇！全球迎來不少慶祝活動，香港方面以「香港周圍玩創啲」為主題，推出不同主題活動。必check活動之一，是同活現香港（Walk in Hong Kong）合作的巴士遊，為香港首架樂高主題雙層巴士。

巴士車身同內籠貼滿不同的樂高裝飾，仲有多個不同造型的巨型樂高人仔在巴士上出沒，超可愛！除此之外，亦有以樂高砌成不同造型的擺設，如燒賣、格仔餅、飛行棋等，充滿香港情懷。小朋友同大人都要瘋狂打卡！參加者上車後，會獲發1盒樂高顆粒，可即時發揮小宇宙，同其他人一齊體驗互動拼砌遊戲。

打卡留念的同時，不要忘記仲有巴士旅程，歷時1小時，有不同路線可揀，仲有導遊為大家介紹各區歷史。港島路線會遊走灣仔、中上環一帶；九龍線則可欣賞到清真寺、果欄等特色建築同地方；新界路線則經過大橋、碼頭等大型基建。完成旅程後，參加者可獲發樂高證書，更可免費到指定店舖換領樂高90周年禮品包。第二輪報名聽日（8月10日）開始，唔好錯過呀！

上車地點：太古城中心 / 港鐵天后站 / 朗豪坊 / 港鐵大圍站
舉行日期：8月12日至9月4日
報名：https://bit.ly/3JFPOYU
圖片來源：LEGO

星島新聞集團慶回歸25周年專題網站，請即瀏覽
https://bit.ly/39AQC3m