周末好去處｜新都會廣場免費農墟市集 過萬呎向日葵花海 兼玩工作坊

周末想同豆釘來個農耕體驗，但下下要去到大西北、新界東？而家商場都有喇！葵芳新都會廣場將於 7 月尾舉行「Metro Green 年度企劃 – 綠色夏日營」活動，讓大家輕易在鬧市中親近大自然，過一個綠色周末。

活動分為綠色玩樂體驗、綠色耕種及環保閱讀 3 大主題，設 7 個體驗。打響頭炮有「與種籽有約」農墟市集，將於 7 月 23 日登場，逾 20 間本地農戶按照時令售賣本地優質有機蔬菜、水耕菜、環保生活用品、手工有機天然產品、健康小食等。另一注目活動，是都市農夫種植體驗，顧客可先參加工作坊，由專人教授撒種、淋水、施肥等基本種植知識，其後將獲發屬於自己的有機小農田，為期 1 個月。參加者可種植心水農作物，一家大細齊齊做「都市農夫」。嫌唔夠喉，仲可以參加埋環保工作坊，想種植微型菜苗，還是來個紥染班又得。另外，商場將設立智能漂書機，進行書籍回收，近 100 本回收的繪本、兒童讀物及綠色生活書籍將於 7 月 23 日起在智能漂書機上架，讓公眾免費借閱及捐書。雖然大部分活動 7 月尾先開始，但廣場的夏日花祭即日已現正舉行，上千朵向日葵在空中花園組成浩瀚花海，一片金黃震撼視覺，必定成今夏打卡熱點。

地點：新都會廣場 L5 空中花園
日期：7 月 23 日至 11 月
時間：10am-10pm
網址：https://bit.ly/3ocdtX0

星島新聞集團慶回歸25周年專題網站，請即瀏覽
https://bit.ly/39AQC3m