天氣的錯｜天文台點先掛八號？

打到嚟啦。。。講緊個風球呀！天文台一早已經作出預報，昨天最新的消息，是熱帶低氣壓集結在香港東南偏南約730公里，預料會向西北偏北移動，時速約10公里，大致移向廣東西部沿岸一帶。

通常大家睇完一大堆數字，都唔係太理解佢哋講咩，其實最關心只係會唔會掛三號波，之後會唔會掛八號，大家又知唔知道掛八號需要有咩條件？官方的定義就係：持續風力達每小時63至117公里，陣風可能超過每小時180公里，風勢會持續。

如果數字對大家嚟講都係太抽象，不如諗下，每小時63公里嘅意思係咩，有車牌嘅朋友可能會比較明白，在公路上不少限速是每小時70至80公里，如果是純粹風力，一個人站在公路上有一輛時速達70km/hr的車由你身邊駛過，你就會很感受到它的力量。

世界上有紀錄最高的颱風風速達到每小時280公里，近年香港曾受最強颱風山竹的吹襲，原來山竹在登陸呂宋前達到其最高強度，中心附近的最高持續風速估計為每小時250公里。雖然當時山竹只是香港的西南面掠過，但其風力及破壞力已經令香港受重災，在最接近香港時只距離約100公里，而香港亦因此掛起最高旳十號熱帶氣旋警告。

因此，天文台考慮掛唔掛八號波，取決的因素包括風速、距離等，另外，海面的陣風亦是考慮的因素，提到陣風，喜歡玩水上活動的朋友就千祈唔好忽視陣風級數。平日睇天文台App都有提及陣風級別，如海面翻起4-5級風，已等同於海面有形狀顯著拖長的浪，白頭浪亦會越來越多，浪花飛濺等。尤其最近有很多朋友喜歡玩直立板及獨木舟，就必須留心陣風的風向及強度，以免產生意外。

星島新聞集團慶回歸25周年專題網站，請即瀏覽
https://bit.ly/39AQC3m