水上樂園5.14重開｜推薦啱小朋友玩之滑水梯

政府放寬防疫措施，泳池與主題樂園均會開放，而期待已久的水上樂園，也將在明天5月14日重開，大家可以度過一個涼爽嘅summer啦。

仲未去過海洋公園新增的水上樂園嗎？唔緊要，小編特別為大家搜羅了各種適合年青人及小朋友玩嘅玩意，當中以滑水梯為例，以下幾項就唔好錯過。

水上樂園

1. 「神秘迷沖」容許一家四口齊齊坐在巨形水泡，「沖」擊於直徑約2.7米的漆黑巨型管道，過程中有少許驚險不過因為能與家人同坐，手拖手應該可以克服困難，小朋友夠120cm以上就可以玩。(驚險程度︰***、啱青少年玩)
2. 「急流漩渦」同神秘迷沖都有點兒相似，不過這玩意最終會衝入巨形漏斗，搖晃程度更加強烈，所以都係有高度限制。(驚險程度︰****、啱青少年玩)
3. 「漂流探秘」相對就更加老少咸宜，因為只係在水平綫的河道上，穿越四個不同的主題區，小朋友可以坐獨立的水泡又或者二人一組同父母一齊坐，懶洋洋地開心暢遊，如果怕水亦可以著救生衣，遊戲亦無高度限制。(驚險程度︰*、啱小朋友玩)
4. 「威威水地帶」絕對係兒童樂園，大型水梯組合有各式玩意，下層有好多設施更加係啱學前小朋友，當然......有家長在旁邊睇住係最緊要。(驚險程度︰*、啱小朋友玩)
5. 「湧浪灣」及「天海灣」均以人造浪為主，分別是在室內或是室外，所以話冇受天氣影響，小朋友都可以同大人一齊玩下水，衝下浪。(驚險程度︰**、啱小朋友玩)

更多新冠疫情資訊，請到以下專頁瀏覽
按此  https://bit.ly/3JqiBzz

想睇最新消息，立即 like 頭條日報FB專頁！>>