美源髮采｜曾江最經典染髮廣告播足 40 年 竟然一蚊都收唔到？

資深藝人曾江被發現由星馬返港進行隔離時倒斃酒店房。曾於《竊聽風雲 3》奪得金像獎最佳男配角的曾江，演技不容置疑，但由其投身演藝界以來，在港人眼中除了是老戲骨外，最深入民心的當然係經典染髮廣告。

百年日本美髮品牌美源髮采在 1970 年代搵來當紅小生曾江拍攝染髮廣告，短短 30 秒廣告，每一句對白都記得，「梳啲美源髮采，逐漸變黑又得，立即變黑又得，得咗」，「源髮采無得彈」，由尾背返上來都識。一個播足幾十年的廣告，連過年都有農曆新年特別版對白「恭喜發財，美源髮采恭喜大家發財」，曾江由年輕賣到老。大家唔知有沒有發現到，廣告背景以深藍色為背景，曾江後面兩位演員可以特技隨意換走，輕輕鬆鬆做到「新廣告」。由最原本的一男一女到後來在千禧年代變成兩位中年女士。雖然廣告播足幾十年，但曾江本尊卻曾表示，因為拍攝時已買斷了播放權，即使播幾多次，自己一個仙都收唔到。

曾江唔止拍了美源髮采廣告，2013 年仲成功「變節」，拍了另一品牌 Salon de Pro 的染髮劑廣告。其對白繼續經典，一樣被洗版。「染到咁假，我點見人呀」。如果當年有意見領袖，曾江一定是染髮界 KOL。

立即下載 | 全新《星島頭條》APP :https://bit.ly/3yLrgYZ

更多第5波疫情資訊，請到以下專頁瀏覽
按此  (https://bit.ly/3JqiBzz)