俄烏局勢｜幽默設計 捷克藝術家二創品牌符號

俄烏戰爭除了洐生出經濟、民生、國際關係等議題，連藝術家都抽埋一份水。戰火冇停過，唔少國際大牌先後宣布停止在俄羅斯的業務，以表示對俄國政府及普丁不滿。捷克藝術家 Václav Kudělka 便為這些國際大品牌 logo 進行二創，將品牌名稱、設計重新包裝，賦予新意思。

藝術家在品牌標誌上幽了俄羅斯一默

Václav Kudělka 進行二創的，唔少都係大家一睇就認得出的大品牌 logo，Kudělka 只係透過在 logo 上進行少許改動，便變成幽默又有意思的二創設計。例如麥當勞的招牌口號「I’m lovin it」，被改為「I’m leaving it」，直接同俄羅斯講：「走先喇，係咁先啦 」。音樂串流平台「Spotify」被改成「Stopify」，同時將英文字左方的符號改為播放器的停止按扭，一睇就明，意指公司停止在俄國業務。「FedEx」的橙紫標誌轉化成「FedExit」，言簡意賅一個詞語解釋到品牌逃出俄國。「adidas」經典三線 logo 下的字母改成「adios」，雖然唔係俄文，但係人都知呢個西班牙單字解 Goodbye。國際大牌徹離大國原本係件嚴重大事，多謝 Václav Kudělka 用個輕鬆手法帶出，在黑暗局勢中帶出丁點幽默。

立即下載 | 全新《星島頭條》APP : https://bit.ly/3yLrgYZ

更多第5波疫情資訊，請到以下專頁瀏覽
按此  (https://bit.ly/3JqiBzz)