極無聊系列｜日本新出陌生人證件相扭蛋

2022-04-06 00:00

日本扭蛋真係無奇不有。動物、動漫、卡通款式以外，仲有唔少走騎呢路線的怪咔扭蛋，一樣受歡迎。最新一款「赤の他人の証明写真」，睇日文字都大概估到同相片有關。原來扭完出來會獲得陌生人證件相一張，WHAT？

製作單位將素人們的證件相變成扭蛋發售，養眼少女、西裝大叔、嚴肅大嬸、公司職員等，證件相扭蛋在日本 Twitter 引發熱議，網友紛紛留言表示：「邊位呀？」、「要來做乜嘢？」、「眼神好凌厲」。扭蛋大多數用來做擺設，但屋企、辦公室擺張陌生人的證件相也太詭異。製作人寺井廣樹表示，疫情下大家戴住口罩，很久沒見過街上路人個樣，而證件相少有 P 圖，是最接近人素顔同真實樣貌的照片。因此萌生了呢個念頭，同大家開個玩笑。相中人都係搞手的朋友，或是得到網友同意才使用相片。雖然冇實際用途，但扭蛋一推出就大受歡迎，現在唔少網友竟主動自薦成為相中人。現時證件相扭蛋一式有 10 款，唔知之後會唔會多幾款呢？

更多第5波疫情資訊，請到以下專頁瀏覽
按此 (https://bit.ly/3JqiBzz)

關鍵字