哈利波特｜日本推石內卜教授攬枕

2022-03-24 00:00

《哈利波特》一早已成功由小說、電影系列變成品牌，戲中多個角色亦被評為「最神似選角」。唔止哈利、榮恩同妙麗，石內卜教授一樣深受哈利迷喜愛。飾演石內卜的演員Alan Rickman雖已離世6年，但大家一致認為除了Rickman，石內卜角色別無他選。為了紀念呢位英國實力派演員，日本哈利波特官網早前便推出石內卜教授攬枕，攬枕約半米高，雖至未於成個真人咁巨大，但攬枕特別揀了石內卜上魔藥學課時的凌厲眼神，樣貌極神似。網友笑指，一見到攬枕已彷彿聽到石內卜嚴厲地講：「Gryffindor 扣10分！」亦有唔少人覺得，DSE考生們正值溫書日子，冇得面授要宅在家中，如在家中有石內卜教授攬枕陪住溫書，分分鐘勁過訓導主任mon住你，如有神助咁話。