若开Live搵坤哥壮胆 田蕊妮自购20只碟送好友冇人领情

田蕊妮新剧《她。她。她的少女时代》已煞科，得以全程投入新碟宣传工作。她到电台受访透露新碟《Saturnian》销量不错，说：「之后新派台歌系《最亲》，内容系讲妈妈，首歌录得我最多时间，听落好轻松，但歌词好感动，知道有好多人最锺意呢首歌，话听完会眼湿湿，之后会拍MV。」

谈到有意加推「阿田蜜蜜送」名额及举行签名会，阿田透露会跟公司开会研究并落实。阿田自爆自掏腰包购入20只送碟给好友，结果竟然是没有人领情。她笑说：「每一个都要畀返钱我啊！李佳芯话要10只，最初以为佢讲笑，点知佢不停催我攞碟，我话不如送只畀佢，因为我唔知点收钱，点知佢又真系要10只。曹永廉都买咗一只。」

对同公司歌手孙耀威跨界做网红，直播两小时收入逾百万，阿田直言惊讶，笑说：「恭喜晒佢！8号会见到佢，我准备一幢碟收钱先！（考虑开Live搵真银？）都好，不过要搵人壮胆，搵吴业坤佢弹琴我唱歌。」她笑言为避开做坤哥红馆个唱嘉宾，届时会离开香港，说：「其实系要去加拿大做嘢，觉得同佢都系无缘份，两次开骚都无机会。不过知佢搵Mirror做嘉宾，我就想推加拿大单Job，但推唔到！」（摄影：骆震宁）